كۆمسیۆن وادەی دەستپێكردنی بانگەشەی هەڵبژاردن رادەگەیەنێت

PUKMEDIA

لۆگۆی كۆمسیۆنی باڵای سەربەخۆی هەڵبژاردنەكانی عیراق

ئەندامێكی تیمی راگەیاندنی كۆمسیۆنی باڵای سەربەخۆی هەڵبژاردنەكانی عیراق رایدەگەیەنێت: "سەرەتای مانگی 10ی ئەمساڵ بانگەشەی هەڵبژاردن دەستپێدەكات و بۆ ماوەی مانگێك بەردەوام دەبێت".

موهەنەد مستەفا سەراف، ئەندامی تیمی راگەیاندنی كۆمسیۆنی باڵای سەربەخۆی هەڵبژاردنەكانی عیراق، بە رۆژنامەی سەباحی راگەیاندووە: "رۆژی 8ی 10ی 2025، بانگەشە بۆ هەڵبژاردنی ئەنجومەنی نوێنەرانی عیراق دەستپێدەكات و بۆ ماوەی یەك مانگ بەردەوام دەبێت".

ئەمەش لە كاتێكدایە، پێشتر كۆمسیۆنی باڵای سەربەخۆی هەڵبژاردنەكانی عیراق رایگەیاندبوو، حەوت هەزار و 926 كەس وەك كاندید ناوی خۆیان بۆ هەڵبژاردنی ئەنجومەنی نوێنەران تۆمار كردووە و  زۆرترینی لە بەغدایە و كەمترینیشی لە دهۆكە، هاوكات لەو ژمارەیەش پێنج هەزار و701 كەسیان لە رەگەزی نێرن و دوو هەزار و225 كاندیدیش لە رەگەزی مێن.

بڕیارە لە 11ی11ی2025، هەڵبژاردنی ئەنجومەنی نوێنەرانی عیراق بەڕێوەبچێت، كە تێیدا21 ملیۆن و 400 هەزار و 89 دەنگدەر 329 كاندید لە كۆی 7هەزار و 926 كاندید بۆ خولی داهاتووی ئەنجومەنی نوێنەران هەڵدەبژێرن".

PUKMEDIA