کۆبوونەوەی دادگای فیدراڵی عیراق دەستیپێکرد

PUKMEDIA

بەپەلە

ئەمڕۆ دووشه‌ممه‌ 14ی7ی2025 دادگای فیدراڵی له‌باره‌ی دوو سكاڵا كه‌له‌ دژی سه‌رۆكوه‌زیرانی عیراق و وه‌زیری دارایی عیراق له‌باره‌ی راگرتنی مووچه‌ی مووچه‌خۆرانی هه‌رێمی كوردستانه‌وه‌ تۆمار كراوه‌ لەکۆبوونەوەدایە.

 دادگای فیدراڵی له‌باره‌ی دوو سكاڵاوە کۆبووەتەوە، کە سكاڵای یه‌كه‌م له‌سه‌ر سه‌رۆكوه‌زیرانی عیراق و وه‌زیری دارایی عیراق تۆماركراوه‌ و تێیدا داواكراوه‌ "خه‌رجكردنی مووچه‌ی مووچه‌خۆرانی هه‌رێم دووربخرێته‌وه‌  ململانێ و ناكۆكییه‌كی سیاسییەکان و خەرجی فعلی".

هه‌روه‌ها له‌ سكاڵای دووه‌مدا كه‌ له‌سه‌ر وه‌زیری دارایی عیراق تۆماركراوه‌، داواكراوه‌ بڕ‌یارێكی سالاری ده‌ربكرێت بۆ خه‌رجكردنی مووچه‌ و مانگانە لە کاتی خۆیدا بنێردرێت".

هەر لە سکاڵاکەدا داواکراوە:" وەزارەتی دارایی پابەندبکرێت بە ناردنی مووچە لە کاتی خۆیدا، بەبێ لە بەرچاوگرتنی ناکۆکییەکانی حکومەتی عیراق و هەرێم لەسەر یاسایی بودجەی گشتی".

بڕ‌یاربوو رۆژی 19ی6ی2025، دادگای باڵای فیدراڵی عیراق بۆ بڕ‌یاردان له‌سه‌ر سكاڵای ژماره‌یه‌ك فه‌رمانبه‌ر، له‌باره‌ی راگرتنی مووچه‌ی مووچه‌خۆرانی هه‌رێم كۆببێته‌وه‌، به‌ڵام كۆبوونه‌وه‌كه‌ بۆ كاتێكی نادیار دواخرا و هه‌مان رۆژ، شه‌ش دادوه‌ری سه‌ره‌كی دادگای فیدراڵی و سێ دادوه‌ری یه‌ده‌گ ده‌ستله‌كاركێشانه‌وه‌یان پێشكه‌شكرد، به‌پێی زانیارییه‌كانی PUKMEDIA كه‌ له‌ یه‌كێك له‌دادوه‌ره‌كانی دادگاكه‌ وه‌ریگرتبوو، هۆكاری ده‌ستله‌كاركێشانه‌وه‌ی ئه‌و دادوه‌رانه‌ بۆ ئه‌وه‌ ده‌گه‌ڕ‌ێته‌وه‌ كه‌ سه‌رۆكی دادگاكه‌ بۆ بڕ‌یاردان و كۆبوونه‌وه‌كان ناگه‌ڕ‌ێته‌وه‌ بۆ دادوه‌ره‌كان و بڕ‌یاری تاك لایه‌نه‌ ده‌دات.

ئه‌مه‌ش له‌كاتێكدایه‌، مووچه‌خۆرانی هه‌رێمی كوردستان زیاتر له‌ 70 رۆژە مووچه‌یان وه‌رنه‌گرتووه‌ و هێشتا مووچه‌ی مانگی ئایاریان پێنه‌دراوه‌، له‌كاتێكدا مووچه‌خۆرانی عیراق مووچه‌ی مانگی ئایار و حوزه‌یرانیان وه‌رگرتووه‌و دابه‌شكردنی مووچه‌ی مانگی ته‌مموزیش ده‌ستیپێكردووه‌.

PUKMEDIA