هاوخەمی سەرۆك بافڵ بۆ رووداوە نەخوازراوەكەی كوت

PUKMEDIA

بافڵ جەلال تاڵەبانی، سەرۆكی یەكێتیی نیشتمانیی كوردستان

بافڵ جەلال تاڵەبانی، سەرۆكی یەكێتیی نیشتمانیی كوردستان، بۆ رووداوە كارەساتاوییەكەی كوت، پەیامێكی هاوخەمی بڵاوكردەوە و وێڕای هیوا خواستن بۆ  زوو چاكبوونەوەی بریندارەكان، رایگەیاند: "هاریكاری تەواوی خۆمان  بۆ دانیشتوانی پارێزگاكە و حكومەتی خۆجێی و دامەزراوە تەندروستی و ئیدارییەكان رادەگەیەنین".

دەقی پەیامەكە:

بە خەمێكی قووڵەوە هەواڵی گیان لە دەستدان و برینداربوونی دەیان هاووڵاتی - مان پێگەیشت لە رووداوی ئاگرەكەوتنەوە كارەساتاوییەكەی یەكێك لە بازاڕەكانی پارێزگای واستی ئازیزدا.

لە كاتێكدا لەدڵەوە پرسە و سەرەخۆشی خۆمان بۆ خوشك و برایانمان لەپارێزگاكە دەردەبڕین، بەشداری خەمیانین لەم كارەساتە گەورەدا .

دواكارین لە خوای گەورە رۆحی قوربانییەكانمان بۆ هەمیشە شادبكات، هیوای زوو چاكبوونەوە بۆ بریندارەكان دەخوازین و ئارامیش بە ئێمە و كەسوكاری قوربانیان ببەخشێت. هەروەها هاریكاری تەواوی خۆمان  لەگەڵ دانیشتوانی پارێزگاكە و حكومەتی خۆجێی و دامەزراوە تەندروستی و ئیدارییەكان رادەگەیەنین.


بافڵ جەلال تاڵەبانی
سەرۆكی یەكێتیی نیشتمانیی كوردستان

PUKMEDIA