لێپێچینەوە لە 20 ئەفسەر و فەرمانبەری کوت دەکرێت

Other news outlets

دیمەنی دوای رووداوەکە

وه‌زاره‌تی ناوخۆی عیراق رایدەگەیەنێت:"سێ ئەفسەر لەسەر رووداوی ئاگرکەوتنەوەکەی کوت دەستگیردەکرێن و 17 فەرمانبەری شارەکەش دووردەخرێنەوە، تا ئێستاش لێکۆڵینەوەکان بەردەوامن".

لەڕاگەنراوێکدا وه‌زاره‌تی ناوخۆی عیراق ئه‌نجامی به‌رایی لێكۆڵینه‌وەی‌ ئاگركه‌وتنه‌وه‌كه‌ی كوت-ی راگەیاند، بەپێی راگەیانراوەکە،" تائێستا 17 فه‌رمانبه‌ر بەکاتیی له‌ كاره‌كانیان دوورخراونه‌ته‌وه‌ و سێ ئه‌فسه‌ریش ده‌ستبه‌سه‌ركراون".

میقداد میری لێپرسراوی به‌شی په‌یوه‌ندییه‌ گشتییەکان و راگه‌یاندنی وه‌زاره‌تی ناوخۆ، دەڵێت: "لیژنه‌ی باڵای لێكۆڵینه‌وه‌ پێشكه‌وتنی به‌ده‌ستهێناوه‌ له‌ كۆكردنه‌وه‌ی زانیاری و به‌ڵگه‌ی مه‌یدانی و پشتڕاستكردنه‌وه‌ی وتەی شایه‌تحاڵ و به‌رپرسان، به‌ڵام ئه‌نجامه‌ سه‌ره‌تاییه‌كان توانیویانه‌ پێشكه‌وتنی پێویستیان هه‌بێت و كه‌مته‌رخه‌مییه‌كی روون له‌لایه‌ن ژماره‌یه‌ك له‌و كه‌سانه‌ی كه‌ به‌شداربوون بخه‌نه‌ڕوو".

"لیژنه‌كه‌ بڕیاریشیدا به‌ڕاگرتنی كاتیی 17 فه‌رمانبه‌ر له‌ خزمه‌تكردن تا ته‌واوبوونی لێكۆڵینه‌وه‌كان، له‌وانه‌ به‌رپرسانی شاره‌وانی كوت، به‌شی گه‌شتیاری، به‌شی ئاو، به‌شی ته‌ندروستی و كۆنترۆڵ، هه‌روه‌ها به‌رپرسانی پێشووی به‌شی سه‌رپێچی، سه‌لامه‌تی پیشه‌یی، رێگاوبان و پرده‌كان" لە راگەیەندراوەکەدا هاتووە.

بەپێی زانیاری راگەیەندراوەکەی ناوخۆ، سێ ئه‌فسه‌ر كه‌ بریتین له‌ به‌ڕێوه‌به‌ری به‌شی ئاسایشی گه‌شتیاری له‌ واست، به‌ڕێوه‌به‌ری به‌رگری شارستانی له‌ واست، فه‌رمانده‌ی كه‌رتی یه‌كه‌می به‌رگری شارستانی له‌ كوت دەستگیرکراون و لیژنه‌كه‌ به‌رده‌وامه‌ له‌ كاره‌كانی، دواتر ئه‌نجامی كۆتایی لێكۆڵینه‌وه‌كه‌ به‌ شێوه‌یه‌كی شه‌فاف راده‌گه‌یه‌نرێت".

شه‌وی 17ی7ی2025 ئاگرێك له‌ناو مۆڵێكی بازرگانی له‌ ناوه‌ندی شاری كوت له‌ پارێزگای واست كه‌وته‌وه‌ و به‌هۆیه‌وه‌ ده‌یان كه‌س گیانیان له‌ده‌ستدا و برینداربوون.

PUKMEDIA