كۆمسیۆن 46 كاندید له‌هه‌ڵبژاردن دوورده‌خاته‌وه‌

PUKMEDIA

لۆگۆی كۆمسیۆنی باڵای سەربەخۆی هەڵبژاردنەكانی عیراق

كۆمسیۆنی باڵای سه‌ربه‌خۆی هه‌ڵبژاردنه‌كانی عیراق، بێبه‌شكردنی 46 كاندیدی لیست و هاوپه‌یمانێتییه‌كانی راگه‌یاند، به‌هۆی ئه‌وه‌ی مه‌رجه‌كانی كاندیدبوونیان وه‌ك پێویست نه‌بووه‌.

عیماد جه‌میل سه‌رۆكی تیمی راگه‌یاندنی كۆمسیۆنی هه‌ڵبژاردنه‌كان به‌ ئاژانسی هه‌واڵی عیراقی (INA)ی راگه‌یاند: "پرۆسه‌ی ووردبینی بۆ كاندیده‌كانی لیستی هه‌ڵبژاردن له‌ناو هاوپه‌یمانێتیه‌كان تا كۆتایی مانگی ته‌مموز به‌رده‌وامه ‌و تائێستاش 46 كاندید له‌پڕۆسه‌كه‌ دوورخراونه‌ته‌وه‌، چونكه‌ مه‌رجه‌كانی كاندیدبوونیان وه‌ك پێویست نه‌بووه"‌.

ر‌وونیشی كرده‌وه‌: "به‌پێی یاسا پێویسته‌ كاندیدی لیست و هاوپه‌یمانێتییه‌كان له ‌20% كه‌متر بڕوانامه‌ی دبلۆم و ئاماده‌یی، یان هاوتای ئه‌و بڕوانامانه‌یان هه‌بێت‌، بۆیه‌ به‌ پشتبه‌ستن به‌م بابه‌ته‌، 11 كاندید دوورخراونه‌ته‌وه ‌و له‌ شوێنی ئه‌وان كاندیدی خاوه‌ن بڕ‌وانامه‌ی به‌كالۆریۆس دانراون".

سه‌باره‌ت به‌ نوێنه‌رایه‌تی ژنان له‌ لیسته‌ كراوه‌كاندا، عیماد جه‌میل رایشگه‌یاند: "نابێت ر‌ێژه‌كه‌یان له‌ 25% كه‌متر بێت له‌ ژماره‌ی كاندیده‌كان، له‌وچوارچێوه‌یه‌شدا سێ كاندیدی پیاو گۆڕ‌دراون بۆ ژن و رێژه‌كه‌یان ته‌واو كردوه‌".

PUKMEDIA