ڕفعەت عەبدوڵڵا: هێرۆخان لەبزووتنەوەی ژناندا رۆڵی گەورەی هەبووە

نوسینگەی راگەیاندنی جێگری سەرۆكی (ی.ن.ك)

ڕفعەت عەبدوڵڵا لەپێشوازی رێكخراوی یەكێتیی ژنانی كوردستاندا

جێگری سەرۆكی یەكێتیی نیشتمانیی كوردستان، پێشوازی لە سكرتێر و دەستەی بەڕێوەبردنی رێكخراوی یەكێتیی ژنانی كوردستان كرد و پشتگیری و پشتیوانی و یەكێتی، بۆ دووپاتكردنەوە.

هەڤاڵ ڕفعەت عەبدوڵڵا، ستایشی تێكۆشانی رێكخراوی (ی.ژ.ك) كرد لەپێشخستنی پرسی ژناندا كەزۆر سەردەمیانە لە وشیاركردنەوەی ژنانی كوردستان بەرامبەر بەمافەكانیان خەباتیان كردوە و رایگەیاند: "رێكخراوەكەتان داكۆكیكارێكی سەرسەخت و پێشەنگ بووە لە بەرەوپێشبردنی تواناكانی ژنانداو لەو پێناوەشدا جێگە دەستان دیارە، هیوای خواست چالاكی و خەباتی مەدەنییان لەئاستی ئەم قۆناغە نوێیەی گۆڕانكارییەكاندا بێت.

هەڤاڵ جێگری سەرۆك، ئاماژەی بەڕۆڵی مێژوویی سەرۆك مام جەلال كرد وەك پارێزەرو پشتیوانێكی بەهێزی مافی ژنان و لەوبارەیەوە وتی: "ئێمەش لەسەر ئەو ڕێبازو كلتورە بەردەوام پشتیوان و هاوكارتانین".

هەڤاڵ ڕفعەت عەبدوڵڵا، باسی لەوەكرد (ی.ژ.ك) قوتابخانەیەكی گەورە و كانگای پێگەیاندنی سەدان ژنی مەزن و بەتوانا بووە، وتیشی: "بۆ نمونە هێرۆخان، جگە لەتێكۆشانی سیاسی و پێشمەرگانەی، هاوكات لەبزووتنەوەی ژنان و لەم رێكخراوەدا ڕۆڵێكی گەورەو ئیلهام بەخشی هەبووەو نەخشی لەمێژوودا دیارە".

هەڤاڵ جێگری سەرۆك، بەپێویستی زانی (ی.ژ.ك) لەگەڵ رێكخراوەكانی كۆمەڵگەی مەدەنی هەوڵەكانیان فراوانتر بكەن و هەماهەنگی زیاتر بكەن بۆ كاری گەورەتر لەپرسی ژناندا.

PUKMEDIA