ئەمڕۆ چەند وەزارەت و دەستەیەک مووچەی مانگی ئایار وەردەگرن

PUKMEDIA

دراوی عیراقی

ئەمڕۆ 26ی7ی2025، چەند وەزارەت و دەستەیەک مووچەی مانگی ئایاری ئەمساڵ وەردەگرن.

بەپێی ئەو خشتەیەی وەزارەتی دارایی و ئابوری هەرێم بڵاویکردووەتەوە، ئەمڕۆ شەممە وەزارەتەکانی (شەهیدان و ئەنفالکراوان، پەروەردە، دارایی و ئابوری، ناوخۆ، ئاوەدانکردنەوە و نیشتەجێکردن، تەندروستی، داد، پلاندانان، بازرگانی و پیشەسازی، سامانە سروشتییەکان، گواستنەوە و گەیاندن،  کشتوکاڵ و سەرچاوەکانی ئاو و شارەوانی و گەشتوگوزار)، مووچەی مانگی ئایاری ئەمساڵ وەردەگرن. 

هاوکات هەر بەپێی خشتەکە، هەریەک لە دەستەی (دەستپاکی، وەبەرهێنان، مافی مرۆڤ و ژینگە) لەگەڵ (خانەنشینیی پێشمەرگە، ئەنجومەنی دادوەری، دەزگای مین، ناوچەکانی دەرەوەی ئیدارەی هەرێم، کۆمسیۆنی باڵای هەڵبژاردن، دیوانی چاودێریی دارایی) مووچە وەردەگرن.

وەزارەتی دارایی و ئابوری حكومەتی هەرێمی كوردستان، رۆژی 25ی 7ی 2025 دابەشكردنی مووچەی مانگی ئایاری دەستپێكرد و بەپێی خشتەكە، رۆژی یەك شەممە (27 ی تەمووز 2025 ) كۆتایی بەدابەشكردنی مووچە دێت.  

ئەمەش لە كاتێكدایە، رۆژی 24ی 7ی 2025، وەزارەتی دارایی و ئابووری حكومەتی هەرێمی كوردستان رایگەیاند: "بڕی (974,813,000,000 ) نۆ سەد و حەفتاو چوار ملیارو هەشت سەدو سیانزە ملیۆن  دینار وەك شایستەی مووچەی فەرمانبەران و مووچەخۆرانی هەرێمی كوردستان بۆ مانگی ئایار خرایە سەر هەژماری بانكی وەزارەتی دارایی و ئابووری هەرێمی كوردستان لەلقی هەولێری بانكی ناوەندی عیراق".

رۆژی 22ی7ی2025، وەزارەتی دارایی حكومەتی هەرێمی كوردستان بڕی(120،000،000،000) سەدو بیست ملیار دیناری وەك داهاتی نانەوتی لە بەشی گەنجینەی فیدراڵی لە داهاتی نانەوتی هەرێمی كوردستان بۆ مانگی ئایاری ساڵی (2025)، بەشێوەی كاش خستە سەر هەژماری بانكی وەزارەتی دارایی حكومەتی فیدراڵ لەلقی هەولێری بانكی ناوەندی عیراق.         

نزیكەی 90 رۆژە مووچەخۆرانی هەرێم مووچەیان وەرنەگرتووە، هەرچەندە بڕیاربوو دوێنێ وەزارەتی دارایی عیراق مووچەی مانگی ئایار بۆ مووچەخۆرانی هەرێم بنێرێت، بەڵام نەبوونی پارەی كاش لەبەردەست وەزارەتی دارایی عیراق  ناردنی مووچەی زیاتر دواخست.

PUKMEDIA

خشتەی مووچەی مانگی ئایار: