لە 10 پارێزگای عیراق پشوو رادەگەیەنرێت و دەوام کەمدەکرێتەوە

PUKMEDIA

پشوو

یەكە ئیدارییەكانی حەوت پارێزگا لەعیراق، بەهۆی بەرزبوونەوەی پلەکانی گەرماوە پشووی رەسمییان راگەیاند و لە سێ پارێزگای دیكەش دەوام كەمكرایەوە.

بەپێی راگەیەندراوی یەكە ئیدارییەكانی پارێزگاكانی ( بەسرە، میسان، زیقار، واست، كەربەلا، دیوانیە، موسەننا)،" بەهۆی بەرزبوونەوەی پلەكانی گەرما لەتەواوی دام و دەزگا حكومییەكان جگە لەدەزگا خزمەتگوزارییەكان پشووی رەسمی دەبێت".

هاوكات لەپارێزگاكانی (دیالە، سەڵاحەدین و بابل) یش بەهۆی بەرزبوونەوەی پلەکانی گەرماوە دەوام بۆ سەعات 12ی نیوەڕۆ كەمكراوەتەوە.

 ئەمڕۆ 27ی7ی2025  لە چەند ناوچەیەكی عیراق پلەی گەرما گەیشتووەتە 50 پلەی سیلیزی، هاوکات پارێزگاری میسان بەرزترین پلەی گەرمی تۆمار دەكات كە 52 پلەیە.

PUKMEDIA