کۆمسیۆن:وادەی پێدانی ژمارە بەهاوپەیمانی و حزبەکان دیاریی دەکات

PUKMEDIA

لۆگۆی کۆمسیۆن

کۆمسیۆنی باڵای هەڵبژاردنەکانی عیراق رایگەیاند:" رۆژی 9ی8ی2025، تیروپشک بۆ پێدانی ژمارە بە هاوپەیمانی و حزب و کاندیدەکان دەکرێت".

 جومانە غەلای وتەبێژی کۆمسیۆنی باڵای سەربەخۆی هەڵبژاردنەکانی عیراق بە  PUKMEDIA ی راگەیاند:" ئەنجومەنی کۆمسیاران تاوتوێی یاداشتێکی نوسینگەی سەرۆکی کارگێڕی هەڵبژاردنیان کردووە کە تایبەتە بە میکانیزمی تیروپشک بۆ پێدانی ژمارە بە هاوپەیمانی و حزب و کاندیدە سەربەخۆکان، کە لە رۆژی 9ی7ی2025 بە نوسراوی ژمارە 3765  پێشکەشکراوە".

راشیگەیاند:" دوای تاوتوێکردنی یاداشتەکە لەلایەن ئەندامانی کۆمسیارانەوە، ئەنجومەنی کۆمسیاران بڕیاریدا رۆژی 9ی8ی2025 تیروپشک بۆ پێدانی ژمارە بە هاوپەیمانی و حزب و کاندیدە سەربەخۆکان ئەنجامبدرێت".

ئەمەش لە کاتێکدایە، رۆژی 9ی4ی2025 ئەنجومەنی وەزیرانی عیراق بە زۆرینەی دەنگ، 11ـی 11ـی 2025ـی وەك ڕۆژی هەڵبژاردنی داهاتووی ئەنجومەنی نوێنەرانی عیراق دیاریكرد.

PUKMEDIA