هەرێم لیستی مووچەی مانگی تەمووز رەوانەی بەغدا دەكات

PUKMEDIA

مووچەی فەرمانبەرانی هەرێم

لیستی مووچەی مانگی تەمووزی فەرمانبەران و مووچەخۆرانی هەرێمی كوردستان، رەوانەی وەزارەتی دارایی حكومەتی فیدراڵ كرا.

لە راگەیەندراوێكی وەزارەتی دارایی و ئابوری هەرێم كە كۆپییەكی دەست PUKMEDIA كەووتووە راگەیەندراوە: "ئەمڕۆ یەكشەممە 3 ی ئابی 2025، لیستی مووچەی مانگی تەمووزی فەرمانبەران و مووچەخۆرانی هەرێمی كوردستان لەلایەن تیمی تەكنیكی وەزارەتی دارایی و ئابووری هەرێمی كوردستانەوە رادەستی فەرمانگەی ژمێریاری وەزارەتی دارایی حكومەتی فیدراڵ كرا".

ئەمەش لە كاتێكدایە، رۆژی 25 ی حوزەیرانی 2025، لیستی مووچەی مانگی حوزەیرانی فەرمانبەران و مووچەخۆرانی هەرێمی كوردستان لەلایەن تیمی تەكنیكی وەزارەتی دارایی و ئابووری هەرێمی كوردستانەوە رادەستی فەرمانگەی ژمێریاری وەزارەتی دارایی حكومەتی فیدراڵ كرا، لەكاتێكدا وەزارەتی دارایی عیراق مووچەی مانگی ئایاری مووچەخۆرانی هەرێمی كوردستانی نەناردبوو.

هاوكات دوای نزیكەی 90 رۆژ، وەزارەتی دارایی و ئابوری حكومەتی هەرێمی كوردستان، رۆژی 25ی 7ی 2025 دابەشكردنی مووچەی مانگی ئایاری دەستپێكرد و رۆژی 27 ی تەمووز 2025 كۆتایی بەدابەشكردنی مووچە دێت.                               

PUKMEDIA