نەوت لەخوار 69 دۆلارەوە مامەڵەی پێوە دەکرێت

PUKMEDIA

نرخی نەوت

ئەمڕۆ5ی8ی2025، نرخی نەوت لە بازاڕەکانی ئاسیادا  تا ڕادەیەکسەقامگیرە و دابەزینێکی کەمی بەخۆیەوە بینی و نرخی یەک بەرمیل نەوتی برێنت بە کەمتر لە 69 دۆلار مامەڵەی پێوەدەکرێت.

نرخی بەرمیلێک نەوتی خاوی برێنت بە ڕێژەی 0.1% دابەزی و گەیشتە 68 دۆلار و 72 سەنت، هاوکات نرخی بەرمیلێک نەوتی خاوی ڕۆژئاوای تەکساس بە ڕێژەی 0.1% دابەزی و گەیشتە 65 دۆلار و 23 سەنت.

نرخی نەوت بەهۆی هەڕەشەکان و خستنەڕووی زۆرەوە دابەزینی بەرچاوی بەخۆیەوە بینیوە، چونکە لەلایەک ئەمریکا هەڕەشە لەو کۆمپانیایانە دەکات کە وزەی روسیا دەکڕن ، لەلایەکی دیکەشەوە ڕێکخراوی وڵاتانی هەناردەکاری نەوت و هاوپەیمانەکانی (ئۆپێک+)  لەسەر زیادکردنی بەرهەمهێنانی نەوت بە ڕێژەی ٥٤٧ هەزار بەرمیل لە ڕۆژێکدا رێککەوتن، ئەم هەنگاوەش ئاماژەیە بۆ زیادبوونی خستنەڕوو لە مانگەکانی داهاتوودا.

PUKMEDIA