کۆمسیۆن: زیاتر لە 825 هەزار کەس داواکارن ببنە کارمەندی سەرسندوق

PUKMEDIA

لۆگۆی كۆمسیۆنی باڵای سەربەخۆی هەڵبژاردنەكانی عیراق

کۆمیسیۆنی باڵای سه ربەخۆی هه ڵبژاردنەکانی عیراق رایدەگەیەنێت: "بە پێى دواین ئامار زیاتر له 825 هه زار کەس داواکارییان پێشکەشکردووە، تاوەکو لە رۆژی هەڵبژاردنەکانی ئەنجوومەنى نوێنەرانى عیراق-دا وەک کارمەندی کۆمسیۆنى کاربکەن".

جومانە غەلای وتەبێژی  کۆمیسیۆنی باڵای سەربەخۆی هه ڵبژاردنەکانی عیراق  بە PUKMEDIA ی رایگەیاند:" دوای کاراکردنی فۆڕمی بەشداریکردن، تا رۆژی 6ی8ی2025، لە سەرجەم پارێزگاکانی عیراق، 825 هەزار و 907 کەس فۆڕمیان پڕکردووەتەوە تاوەکو لەڕۆژی هەڵبژاردنی ئەنجومەنی نوێنەرانی عیراقدا وەک کارمەند کاربکەن".

" ئەو کەسانەی داواکاریی بەشداریکردنیان پێشکەشکردووە ،553 هەزار و 252 کەسیان لەڕەگەزی نێرن و 272 هەزار و 655 کەسیشیان لەڕەگەزی مێ-ن، هاوکات لەو ژمارەیە 451 هەزار و 553 کەسیان فەمانبەرن و 374  هەزار و 354 کەسیشیان دەرچوو یان خوێندکارن"، جومانە غەلای وایوت.

ئەمەش لەکاتێکدایە، رۆژی 3ی حوزەیرانی 2025، کۆمسیۆنی باڵای سەربەخۆی هەڵبژاردنەکانی عیراق، دەرگای داواکاری پێشکەشکردنی وەک کارمەندی سەرسندووقی بۆ رۆژی دەنگدان کردەوە، کە بڕیارە رۆژی 11ی11ی2025 بەڕێوەبچێت.

PUKMEDIA