سکرتارییەتی سەرۆک مام جەلال یادى پۆلێک لە شەهیدان دەکاتەوە

تایبەت

وێنەى شەهیدەکان

47ساڵ لەمەوبەر، لە پێدەشتەکانی کۆیە، یەکێک لە داستانە گەورەکانی شۆڕشی نوێی گەلەکەمان تۆمار کرا، کە تێیدا پۆلێک پێشمەرگەی قارەمان گیانی خۆیان بەخت کرد و ناویان چووە لاپەڕەکانی مێژووەوە.

دروست 47 ساڵ پێش ئێستا، کات، شەوی 9 ى 8 ى 1979 لە پێدەشتەکانی کۆیە،  پێشمەرگەکانی هێزی کۆسرەت بەسەرپەرشتی فەرماندە ( شەفیق زاهیر ) فەرماندەی کەرتی ئەو هێزە، هێرشێکی کەم وێنە و بە پلانیان کردە سەر مۆڵگەی جاشەکانی ناو کۆیە.

دوای دوو رۆژ لەم چالاکییە گەورەی هێزی پێشمەرگە رژێمی بەعسی رووخاو بە هێزێکی گەورەی دوو فیرقەی و لە ئەرز و ئاسمان و بە هێلی کۆپتەر و چەکی قورسەوە لە گوندی ( قوڕە بەراز ) ی کۆیە رووبەڕووی هیزەکانی پێشمەرگە بوونەوە و تەوقی گوندەکەیاندا و لە شەڕێکی قورس و خوێناویدا بەو جیاوازییە زۆر و نابەرامبەرەی هێزەی پێشمەرگە و دوژمن شەڕێکی قورس و دەستە و یەخە و خوێناوییان ئەنجامدا، بە داخەوە دوای نەمانی فیشەک و عیتادی هێزی کۆسرەت و هێزەکانی پێشمەرگە کەوتنە دۆخێکی سەخت و مەترسیدارەوە سەرەنجام بە شکستیان کۆتای هات و (14 پێشمەرگە ) شەهید بوون و پێنج پێشمەرگەی دیکەیان بە برینداری کەوتنە دەست دوژمن و بۆ شەوەکەی ئەوانیش لە ناو سەربازگەی کۆیە گولە بارانکران و ژمارەی پێشمەرگەکان بوون بە (19 پێشمەرگە ) کە  فەرماندە شەفیق زاهیر-یش یەکێک بوو لە شەهیدەکانی ئەو داستان و سەروەرییە.

لەو چوارچێوەیەشدا مەکتەبی سکرتارییەتی سەرۆک مام جەلال ئەم یادە دەکاتەوە و درود بۆ رۆحی پاکی سەرجەم شەهیدانی رێگای رزگاری خوازی گەلەکەمان و ئەو پۆلە جوامێر و شەهیدەی گوندی ( قوڕە بەراز ) دەنێرێت.

PUKMEDIA