جەلال شێخ ناجی بۆ وەهاب هەڵەبجەیی: لەسەرخستنی ئەرکەکانتان پشتیوانتانم

راگەیاندنی ئاژانسی پاراستن و زانیاری/زانیاری

جەلال شێخ ناجی و وەهاب هەڵەبجەیی

ئەمڕۆ دووشەممە 11ی 8ی 2025 جەلال شێخ ناجی سەرۆکی  ئاژانسی پاراستن و زانیاری/زانیاری،  لە قەڵاچوالان پێشوازی لە وەهاب هەڵەبجەیی بەڕێوەبەری گشتیی دژەتیرۆر کرد .

لە دیدارێکدا تەئکید لە بەردەوامی هەماهەنگی و هاریکارییە ئەمنی و هەواڵگرییەکان لەنێوان سەرجەم دەزگا ئەمنییەکانی هەرێم و عیراق کرایەوە لە پێناو پاراستنی سەقامگیری و ئاسایش و ئارامی لە وڵاتدا. 

سەرۆکی ئاژانسی پاراستن و زانیاری/زانیاری رۆڵی بەڕێوەبەری گشتی و هێزەکانی دژەتیرۆری بەرزنرخاند لە پاراستنی ئارامی هەرێم و رووبەڕوبوونەوەی تیرۆرو وەک هەمیشە پشتیوانی و پشتگیری بۆ سەرخستنی ئەرک و بەرپرسیارێتییە نیشتمانییەکانیانی دووپاتکردەوە.

لەبەرامبەردا وەهاب هەڵەبجەیی رۆڵی سەرۆک و ئاژانسی پاراستن و زانیاری / زانیاری بەرزنرخاند لە هاوکاری و هاریکارییەکانیان بۆ سەرخستنی ئەرکە ئەمنی و کردە سەربازییەکانیان لە پێناو پاراستنی هەرێمی کوردستان.

PUKMEDIA