مەكتەبی سیاسیی یەكێتی بۆ پارتی: بەیەكڕیزی رێڕەوی حوكمڕانی راستدەكرێتەوە

PUKMEDIA

لۆگۆی یەکێتی و پارتی

مەكتەبی سیاسیی یەكێتیی نیشتمانیی كوردستان، بە بۆنەی تێپەڕبوونی 79 ساڵ بەسەر دامەزراندنی پارتی دیموكراتی كوردستانەوە، پەیامێكی پیرۆزبایی ئاڕاستەی مەكتەبی سیاسیی و ئەندام و لایەنگرانی پارتی دەكات كە ئەمە دەقەكەیەتی:

پیرۆزبایی

بەڕێزان مەكتەبی سیاسیی پارتی دیموكراتی كوردستان 

بە بۆنەی تێپەڕبوونی حەفتا و نۆ ساڵ بەسەر دامەزراندنی پارتی دیموكراتی كوردستانەوە  گەرمترین پیرۆزبایی ئاڕاستەی ئێوە و ئەندام و لایەنگرانی پارتی دەكەین.

بەم بۆنەیەوە تەئكید لەسەر پێویستی یەكڕیزی هێزە سیاسییەكانی كوردستان، بە تایبەتیش  یەكێتی و پارتی، دەكەینەوە لە پێناوی پێكهێنانی حكومەتێكی پتەوو كارا كە ئەركی چاكسازی و راستكردنەوەی رێڕەوی حوكمڕانی بگرێتە ئەستۆ، لە رێی سەرخستنی ویستی گەلەكەمان لە دابینكردنی ماف و ئیستحاقە دەستورییەكانی لە عیراق، بە تایبەتیش مووچە و شایستە داراییەكانیان، لەسەروبەندی هەڵبژاردنی داهاتووی ئەنجومەنی نوێنەراندا.

جارێكی تر پیرۆزە و سەركەوتووبن


مەكتەبی سیاسیی
یەكێتیی نیشتمانیی كوردستان

PUKMEDIA