پەرلەمانتارێکی یەکێتی بەدواداچوون بۆ دامەزراندنی سێ یەکەمەکانی ناوچەدابڕاوەکان دەکات

PUKMEDIA

بەدرییە حسێن ئەندامی ئەنجومەنی نوێنەرانی عیراق لەفراکسیۆنی یەکێتی

ئەندامێکى لیژنەى خوێندنى باڵاى ئەنجومەنى نوێنەرانى عیراق لە فراکسیۆنى یەکێتیى نیشتمانیى کوردستان، بە دواداچوون بۆ کێشەى دامەزراندنى سێ یەکەمەکانى ناوچەدابڕێنراوەکان دەکات.

بەدریە حسێن ئەندامى ئەنجومەنى نوێنەرانى عیراق لە فراکسیۆنى یەکێتى، هاوکات ئەندامى لیژنەى خوێندنى باڵاى ئەنجومەنەکەیە، بە وێبسایتی ره‌سمی یه‌كێتیی نیشتمانیی كوردستان PUKMEDIA ی راگه‌یاند: بەدواداچوون بۆ پرسی دامەزراندنی سێ یەکەمەکانی دەرچووانی ساڵانی خوێندنی 2022-2023 و 2023-2024 لە ناوچە دابڕاوەکان دەکات، کە تا ئێستا کۆدی دامەزراندنیان نییە.

روونیشیکردەوە: بەپێی زانیارییەکان، 8,579 پلەی وەزیفی بەتاڵ ماوە بۆ دامەزراندنی سێ یەکەمەکان و هەڵگرانی بڕوانامەی باڵاى قۆناغی سێیەم و پێشتر، د.مەحمود تەمیمی سەرۆکی پێشووی ئەنجومەنی راژەی فیدراڵی، لە 9ى1ى2025 لە کاتی سەردانێکی رەسمیدا بۆ هەولێر، رایگەیاندبوو کە 700 پلەی وەزیفی بۆ ناوچە دابڕاوەکان تەرخانکراوە.

ئەوەشى خستەڕوو: لەم چوارچێوەیەدا، نووسراوێکی رەسمی بەژمارە 325ی لە 19ى8ى2025 ئاڕاستەی ئەنجومەنی راژەی فیدراڵی کردووە و ئامانجی نووسراوەکە زیادکردنی ناوی ئەو زانکۆیانەیە کە بەم دواییە دانیان پێدانراوە، هەروەها کۆلێژ و بەشەکانی زانکۆ و پەیمانگا پۆلیتەکنیکەکانی سلێمانی، دەربەندیخان، هەڵەبجە، کەلار و چەمچەماڵ، بۆ لیستی ئەو دامەزراندنانە.



PUKMEDIA