ترەمپ: پەیوەندییە سێ قۆڵییەکانی مۆسکۆ و کیێڤ و واشنتۆن بەردەوامە

میدیاکان

دۆناڵد ترەمپ، سەرۆکی ویلایەتە یەکگرتووەکانی ئەمریکا

دۆناڵد ترەمپ، سەرۆکی ویلایەتە یەکگرتووەکانی ئەمریکا، گومانی خۆی لە ئەگەری کۆبوونەوەیەکی رووبەڕوو لە نێوان ڤلادیمێر پوتین، سەرۆکی رووسیا و ڤلادیمێر زێلێنسکی، سەرۆکی ئۆکرانیا دەربڕی، بەڵام جەختی لەوە کردەوە کە پەیوەندییە سێ قۆڵییەکانی نێوان مۆسکۆ، کیێڤ و واشنتۆن بەردەوام دەبێت.

لە چاوپێکەوتنێکدا لەگەڵ رۆژنامەی "Daily Caller"، ترەمپ باسی لە پلانی وەستاندنی جەنگی ئۆکرانیا و رووسیا کرد و رایگەیاند: "نازانم کۆبوونەوەی دوو قۆڵی دەبێت یان نا، بەڵام کۆبوونەوەی سێ قۆڵی ئەمریکا و رووسیا و ئۆکرانیا دەبێت".

ترەمپ هیواشی خواست کە چارەسەرێک بۆ ململانێی ئۆکرانیا و رووسیا بدۆزێتەوە و ئەم جەنگەی بە قەیرانێک وەسف کرد، چونکە ماوەیەکی زۆرە بەردەوامە و خەڵکێکی زۆر گیانیان لەدەستداوە، وەک ئاماژەیەکیش بۆ هەڵوێستی ئەمریکا، وتی: "ئەمریکا پشتیوانی لە ئاشتی دەکات."

PUKMEDIA