لقی سلێمانی سەندیكای رۆژنامەنووسان: ھەوڵی تیرۆركردنی ھێمن مامەند كارێكی ترسنۆكانەیە

لقی سلێمانی سەندیكای رۆژنامەنووسان

لۆگۆی لقی سلێمانی سەندیكای رۆژنامەنووسان

لقی سلێمانی سەندیكای رۆژنامەنووسانی كوردستان، رایدەگەیەنێت: ھەوڵی تیرۆركردنی ھێمن مامەند كارێكی ترسنۆكانەیە و داوای لێكۆڵینەوەی ورد لەسەر ئەم بابەتە و ئاشكراكردنی ئەنجامدەرانی دەكەین، چونكە ژینگەی میدیای سلێمانی رۆژنامەنووسی تێدا تیرۆر نەكراوە.

لقی سلێمانی سەندیكای رۆژنامەنووسانی كوردستان، لەبارەی ھەوڵی تیرۆركردنی رۆژنامەنووس ھێمن مامەندەوە، پەیامێكی بڵاوكردەوە و رایگەیاند: تەقەكردن لە رۆژنامەنووس ھێمن مامەند رەفتارێكی ترسنۆكانەو دوورە لە كارو پیشەی خەڵكی ئازا، چونكە رۆژنامەنووس ھەڵگری چەك نیە تا بە چەك تەقەی لێبكرێت و ئەم حاڵەتەش دەچێتە خانەی ھەوڵدان بۆ تیرۆركردن.

راشیگەیاند: سوپاس بۆخوا  ناوبراو ئێستا باری تەندروستی زۆر باشە و داواكارین دەزگا بەرپرسەكان لێكۆڵینەوەی ورد لەسەر ئەم بابەتە بكەن و ئەنجامدەران ئاشكرا بكەن، چونكە ژینگەی میدیای سلێمانی رۆژنامەنووسی تێدا تیرۆر نەكراوە، با ھەموومان ھاوكارو ھاریكاریی یەكتر بین تا پایتەختی رۆشنبیریی ھەرێمەكەمان بە پاكی و بە جوانیی بۆ میدیاكاران بمێنێتەوە.

ئەمەش لەكاتێكدایە، ئێوارەی ئەمڕۆ 2ی9ی 2025، لە گەڕەكی عەقاری لە سلێمانی، ماتۆڕسوارێك تەقەی لە رۆژنامەنووس هێمن مامەند كرد و برینداری كرد.

PUKMEDIA