ڤایرۆسێکى نوێى هاوشێوەى کۆڤید19لە غەززە بڵاودەبێتەوە

شبکة الارسال فلستین

وێنەى منداڵانى غەزە

کەرتی غەززە رووبەڕووی بڵاوبوونەوەی ڤایرۆسێکی نوێی زۆر درم بووەتەوە، کە نیشانەکانی هاوشێوەی کۆڤید19ی هەیە و بەتایبەتی کاریگەری لەسەر منداڵان هەیە، ئەمەش بەهۆی برسێتی، گەمارۆدان و داڕمانی سیستەمی تەندروستی.

د. ئەحمەد ئەلفارا، بەڕێوەبەری بەشى  پزیشکانی منداڵان لە کۆمەڵگەی پزیشکی ناسر، رایگەیاند: کە ڤایرۆسێکی نوێی زۆر درم  لەناو مناڵان بڵاوبوەتەوە و ئەم ڤایرۆسە نیشانەکانى وەکو نیشانەى کۆڤید19 یە و بەدخۆراکی و کەمی بەرگری جەستەی منداڵان دۆخەکەی خراپتر کردووە.

ئاماژەی بەوەشکرد : بەهۆى پچڕانى کارەباوە کێشە لە پێدانى چارەسەر بۆ نەخۆشەکان دروستبووە و لەکاتێکدا منداڵان بەهۆی ترسی بەردەوام لە دەنگی تەقینەوەکان تووشی کەمخەوی دەبن.

باسى لەوەشکرد: ژمارەی گیانلەدەستدان بەهۆی برسێتی و بەدخۆراکی گەیشتووەتە 330 کەس، لەنێویاندا 125 منداڵ هەیە.

د. ئەحمەد ئەلفارا، بەڕێوەبەری بەشی پزیشکی منداڵان و منداڵبوون لە کۆمەڵگەی پزیشکی ناسر، داوای لە کۆمەڵگەی نێودەوڵەتی کرد "رێوشوێنی بەپەلە بگرنەبەر بۆ وەستاندنی ئەو کۆمەڵکوژیە بەردەوامەى لە کەرتی غەززە بەهۆکارى جۆراوجۆر هەیە".

PUKMEDIA