هاوخەمییەکان بۆ کۆچی دوایی کەریم حاجی حەمەئەمین سەنگاوی

PUKMEDIA

کەریم حاجی حەمە ئەمین سەنگاوی

ئەمڕۆ 4ی9ی2025، کەریم حاجی حەمە ئەمین سەنگاوی برای هەڤاڵ مەحمود سەنگاوی کۆچی دوایی کرد، بۆ هاوخەمیش چەندین پرسەنامە ئاڕاستەی مەحمود سەنگاوی  و کەسوکارەکەی کرا، کە ئەمە دەقەکەیەتی:

هاوخەمی سەرۆک بافڵ:

هەڤاڵی تێکۆشەرمان کاک مەحمود سەنگاوی
بەداخ و خەمێکی زۆرەوە، هەواڵی کۆچی دوایی کاک ( کەریم حاجی حەمە ئەمین سەنگاوی ) برای بەڕێزتانمان پێگەیشت.

بۆ ئەم ماتەمە هاوخەمتانین و  پرسە و سەرەخۆشی ئاڕاستەی ئێوە و کەسوکار و خزمان و بنەماڵە سەربەرز و تێکۆشەرەکەتان دەکەم.

لەخوای گەورە داواکارین گیانی خوالێخۆشبوو بە بەهەشتی بەرین شادبکات، سەبووری و ئارامی بە هەموولایەک ببەخشێت.

بافڵ جەلال تاڵەبانی
سەرۆکی یەکێتیی نیشتمانیی کوردستان


هاوخەمی کۆسرەت رەسوڵ:
برای بەڕێزم کاک مەحمود سەنگاوی
بەڕێزان خانەوادەو کەسوکاری کەریم حاجی حەمەئەمین

بەداخێکی زۆرەوە هەواڵی کۆچی دوایی (کەریم حاجی حەمەئەمین) برای بەڕێزتانم بیست، دڵگران و خەمباری کردم، هاوبەشی خەمتانم، پرسەو سەرەخۆشی و هاوخەمی خۆم ئاراستەی جەنابتان و خانەوادە تێکۆشەرەکەتان دەکەم، هیواخوازم ئەمە دواکۆست و ناخۆشیتان بێت، خوای گەورە سەبووری هەموو لایەک بدات و کۆچکردوو جێگای بەهەشتی بەرین بێت.

براتان
کۆسرەت رەسوڵ عەلی


هاوخەمی مەکتەبی سیاسی:
هەڤاڵ مەحمود سەنگاوی
بۆ کۆچی دوایی کاک ( کەریم حاجی حەمە ئەمین سەنگاوی ) برای بەڕێزتان ، لەناخی دڵەوە پرسە و ماتەمی خۆمان ئاڕاستەی  بەڕێزتان و خانەوادە  سەربەرز و تێکۆشەرە  ماندونەناسەکەتان  دەکەین .
لەیەزدانی مەزن داواکارین  خوالێخۆشبوو بە بەهەشتی بەرین شادبکات، ئارامی بە گشت لایەک ببەخشێت.

انا للە وانا الیە راجعون
مەکتەبی سیاسی  یەکێتیی نیشتمانیی کوردستان

PUKMEDIA