سۆمۆ داهاتی دوو مانگی فرۆشی نەوت ئاشکرا دەکات

راگەیاندنی سۆمۆ

کۆمپانیای سۆمۆ

ئەمڕۆ 28ی7ی2026، کۆمپانیای سۆمۆ، داهاتی فرۆشتنی نەوت بۆ مانگی ئایار و حوزەیران ئاشکرا کرد و رایگەیاند: لەو ماوەیەدا زیاتر لە 32 ملیۆن بەرمیل نەوت فرۆشراوە و داهاتەکەشی زیاتر لە دوو ملیار دۆلار بووە.

بەپێی راگەیەندراوەێکی کۆمپانیای بەبازاڕکردنی نەوت ناسراو بە سۆمۆ، بڕی هەناردەی نەوت لە مانگی ئایار و حوزەیران، بریتی بووە، لە 32 ملیۆن و 114 هەزار و 644 بەرمیل، کە داهاتەکەشی بریتی بووە لە دوو ملیار و 335 ملیۆن و 537 هەزار و 399 دۆلاری ئەمریکی.

هەر بەپێی راگەیەندراوەکە، لە کێلگەکانی بەسرە زۆرترین نەوت هەناردە کراوە، کە بڕەکەی 20 ملیۆن و 238 هەزار و 836 بەرمیل بووە، هاوکات لە کەرکوکیش 10 ملیۆن و 311 هەزار و 216 بەرمیل هەناردە کراوە.

پەیوەست بە نەوتی هەرێمی کوردستانیش، ئەوا سۆمۆ رایگەیاندووە: بڕی هەناردەکردنەکەی بریتی بووە لە یەک ملیۆن و 564 هەزار و 625 بەرمیل.

PUKMEDIA