بەهای دۆلار دابەزینی بەرچاوی بەخۆیەوە بینی

PUKMEDIA

دۆلار

بەهۆی فرۆشتنی رێژەیەکی زۆر دۆلار لەلایەن چەند کۆمپانیایەکەوە بەهای دۆلاری ئەمریکی بەرامبەر دیناری عیراقی دابەزینی بەرچاوی بەخۆیەوە بینی.

ئەمڕۆ دووشەممە 22ی ئەیلولی 2025 شوان هادی، خاوەنی نوسینگەیەکی ئاڵوگۆڕی دراو لە سلێمانی بە PUKMEDIAی راگه‌یاند: چەند کۆمپانیایەکی ناوخۆیی رێژەیەکی زۆر دۆلارییان خستووەتە بازاڕەوە کە ئەمەش بووەتە هۆی ئەوەی بەهای دۆلاری ئەمریکی بەرامبەر دیناری عێراق زۆر داببەزێت بەشێوەیەک بەهای 100 دۆلاری ئەمریکی بۆ 141 هەزار و 400 دیناری عیراقی دابەزیوە.

لەلێدوانە تایبەتەکەیدا بۆ PUKMEDIA شوان هادی ئاماژەی بەوەشکرد: ئەمە رێژەیەکی بەرچاوە بۆ دابەزینی بەهای دۆلار بەهۆی ئەوەی رۆژی 21ی ئەیلول لەکاتی داخستنی بازاڕەکانی ئاڵوگۆڕی دراودا بەهای 100 دۆلاری ئەمریکی بەرامبەر 141 هەزار و 750 دینار بوو.

ئەمەش لەدوای ئەوەدێت لەمانگی تەمووزی ئەمساڵدا بەهای 100 دۆلاری ئەمریکی بۆ خوار 140 هەزار دیناری عیراق دابەزی و دواتر بەهاکەی بەهۆی کەم بوونەوەی رێژەکەی لەبازاڕەکاندا دووبارە بەرزبووەوە.

PUKMEDIA