کۆمسیۆن دەرگای تۆمارکردنی بۆ چاودێرانی حزب و لایەنەکان دەکاتەوە

FRANCE24

هەڵبژاردن

کۆمسیۆنی باڵای سەربەخۆی هەڵبژاردنەکانی عیراق دەرگای خۆتۆمارکردنی بۆبوون بە چاودێری حزب و لایەنە سیاسییەکان کردەوە و ئەو کەسانەی خوازیارن دەتوانن ناویان تۆمار بکەن.

ئەمڕۆ دووشەممە 22ی ئەیلولی 2025 جومانە غلای، وتەبێژی کۆمسیۆنی باڵای هەڵبژاردنەکانی عیراق لەلێدوانێکی تایبەتدا بە PUKMEDIA ی راگەیاند: لە سبەینێوە کەدەکاتە رۆژی سێشەممە 23ی ئەیلول دەرگای خۆتۆمارکردن بۆبوون بە چاودێری حزب و لایەنە سیاسییەکان و  راگەیاندنەکان دەکرێتەوە و خۆتۆمارکردنیش لەرێگەی ئەم لینکەی خوارەوە دەبێت.

لەسبەینێوە ئەم لینکە کارا دەکرێت

https://spect.ihec.iq

وابڕیارە لە 11ی تشرینی دووەمی ئەمساڵدا هەڵبژاردنی خولی شەشەمی ئەنجومەنی نوێنەرانی عیراق بەڕێوەبچێت و بەپێی ئەو ئامارانەی پێشتر کۆمسیۆنی باڵای سەربەخۆی هەڵبژاردنەکان بڵاویکردووەتەوە زیاتر لە 21 ملیۆن کەس لە سەرانسەری عیراقدا مافی دەنگدانیان هەیە، لەو رێژەیەش 20 ملیۆن و 63 هەزار و 773 کەسیان دەنگدەری گشتین و یەک ملیۆن و 313 هەزار و 980 کەسی دیکەش دەنگدەری تایبەتن کە کارمەندانی هێزە ئەمنییەکان و زیندانیانن، هەروەها 26 هەزار و 538 کەسی دیکەش ئاوارەکانن.

PUKMEDIA