ئەنجومەنی وەزیرانی هەرێم: داهاتی نانەوتی مانگی حەوت دەنێرین

راگەیاندی ئەنجومەنی وەزیرانی هەرێم

ئەنجومەنی وەزیران

ئەنجومەنی وەزیرانی هەرێم لە کۆبوونەوەی ئەمڕۆیدا بڕیاریدا بڕی 120 ملیار دیناری وەک داهاتی نانەوتی مانگی حەوت بۆ بەغدا بنێردرێت.

بەپێی زانیارییەکانی PUKMEDIA  ئەمڕۆ چوارشەممە 24ی ئەیلول: ئەنجومەنی وەزیرانی هەرێم بڕیاریداوە بڕی 120 ملیار دینار وەک داهاتی نانەوتی مانگی حەوت بۆ بەغدا بنێردرێت بۆ ئەوەی وەزارەتی دارایی عیراق مووچەی مانگی حەوتی فەرمانبەرانی هەرێم بنێرێت.

ئەمەش لەدوای ئەوەدێت، لە ڕۆژی 22ی ئەم مانگەدا رێککەوتنی سێقۆڵی لەنێوان حکومەتی هەرێم و حکومەتی عیراق و کۆمپانیا بیانییەکانی دەرهێنانی نەوت لە هەرێم ئیمزا کرا و لەکۆبوونەوەی ڕۆژی سێشەممە 23ی ئەیلولی ئەنجومەنی وەزیرانی عیراقیشدا بڕیاری ناردنی مووچەی مانگی حەوت بۆ هەرێم درا.

PUKMEDIA