هەناردەى نەوتى هەرێم نرخى نەوتى لە بازاڕەکانى جیهاندا نزمکردەوە

غلف كيستون

کێڵگەى نەوتى شێخان

ئەمڕۆ سەرەتاى هەفتەى بازاڕى نەوتە لە جیهاندا و دواى ئەوەى نەوتى هەرێمى کوردستان بەرەو بەندەرى جەیهان دەستیپێکردەوە، نرخى نەوت لە بازاڕەکانى جیهاندا نزمبوەوە، بەجۆرێک لە بازاڕەکانى جیهاندا نرخى یەک بەرمیل نەوتى خاوى برێنت69.81 دۆلار و نەوتی خاوى تەکساس-یش بە   65.23دۆلار مامەڵەی پێوەدەکرێت.

ئەمڕۆ دووشەممە 29ى9ى2025 نرخی نەوت لە بازاڕەکانی جیهان نزمبوونەوەى بەخۆوە بینى، نرخى یەک بەرمیل نەوتى خاوى برێنت بە  69.81 دۆلار مامەڵەی پێوەدەکرێت، هاوکات نرخی یەک به‌رمیل نه‌وتی خاوی ته‌كساسی ئه‌مریكا بە  65.23 دۆلار مامەڵەى پێوەدەکرێت.

نرخى نەوتى خاوى برێنت بە رێژەى  0.57%نزمبووە و نرخى نەوتى خاوى تەکساس-یش بە رێژەى  0.70%نزمبوەوە.

ئەمە لەکاتێکدایە، رێکەوتی 27ى9ى2025، پڕۆسەی هەناردەکردنەوەی نەوتی خاو لە هەرێمەوە لە رێگەی هێڵی عیراق – تورکیا دەستیپێکردەوە و هه‌نارده‌ی نەوتى هه‌رێمی كوردستان له‌ ر‌ێگه‌ی بۆری جه‌یهانی توركیاوه‌ له‌ مانگی ئازاری 2023 به‌هۆی ناكۆكی یاسایی و ته‌كنیكی وه‌ستابوو.

PUKMEDIA