ژمارەی گیانلەدەستدانی بوومەلەرزەکەی فلیپین زیاد دەکات

DFP

دیمەنی دوای بوومەلەرزەکە

ژمارەی گیانلەدەستدانی بوومەلەرزەکەی فلیپین بۆ زیاتر لە 69 کەس بەرزبووەوە، جگە لەوەی دەیان کەسی دیکەش برینداربوون و بینا و رێگاوبانەکان زیانیان بەرکەوت.

ئەمڕۆ 1ی10ی2025 دەسەڵاتدارانی فلیپین رایانگەیاند: ژمارەی ئەو کەسانەی بەهۆی بوومەلەرزەکەوە گیانیان لەدەستداوە بۆ نزیکەی 69 کەس بەرزبووەتەوە.

هاوکات بێرناردۆ رافایلیتۆ ئەلیخاندرۆ جێگری بەڕێوەبەری فەرمانگەی بەرگری شارستانی رایگەیاند: زۆربەی گیانلەدەستدانەکان بەهۆی کەوتنەخوارەوەی پاشماوەوە بووە.

ئێوارەی رۆژی سێشەممە 30ی9ی2025 لە پارێزگای سیبوی ناوەڕاستی ویلایەتی سیبو و پارێزگاکانی دەورووبەری بوومەلەرزەیەک بە گوڕی 6.9 پلەی رێختەر روویدا کە بەهۆیەوە زیاتر لە 140 کەس برینداربوون.

PUKMEDIA