ئەنجومەنی وەزیرانی هەرێم لەبارەی دۆخی داراییەوە کۆدەبێتەوە

راگەیاندنی ئەنجومەنی وەزیرانی هەرێم

ئەنجومەنی وەزیرانی هەرێم

ئەمڕۆ ئەنجومەنی وەزیرانی هەرێمی کوردستان بە سەرپەرشتیی مەسرور بارزانی، سەرۆکوەزیران و ئامادەبوونی قوباد تاڵەبانی، جێگری سەرۆکوەزیران کۆدەبێتەوە.

وابڕیارە ئەمڕۆ چوارشەممە 1ی تشرینی یەکەمی 2025،  ئەنجومەنی وەزیرانی هەرێمی کوردستان کۆببێتەوە و بەپێی کارنامەی کۆبوونەوەکەبێت: بابەتی پۆلێنکردنی داهاتە نانەوتییەکان و خەرجییەکانی حکومەت لەدوای هەناردەکردنەوەی نەوت و دیاریکردنی بەشی گەنجینەی فیدڕاڵی یەکێک دەبن لە بابەتەکانی کۆبوونەوەی ئەمڕۆ.

هەر بەپێی کارنامەکە: ئەنجومەنی وەزیرانی هەرێم چەند بڕیارێک هەڵدەوەشێنێتەوە کە پێشتر خۆی بڕیاری لەبارەوە داوە و پرسی رێبەری سەلامەتیش کە لەلایەن وەزارەتی ناوخۆوە دەرکراوە یەکێکیتر دەبێت لە تەوەرەکانی کۆبوونەوەکە.

ئەمەش لەدوای ئەوەدێت لە رۆژی 27ی ئەیلولی 2025 هەناردەکردنەوەی نەوت هەرێم لەرێگەی کۆمپانیای سۆمۆوە بۆ بەندەری جەیهانی تورکی دەستیپێکردەوە و رۆژی 30ی ئەیلولی 2025 وەزارەتی دارایی عیراق مووچەی مانگی تەمووزی مووچەخۆرانی هەرێمی خستەسەر هەژماری وەزارەتی دارایی هەرێم.

PUKMEDIA