یاریزانێکی یانەى زانکۆی سلێمانی پلەی یەکەمی تایکواندۆی عیراقی بەدەستهێنا

PUKMEDIA

کەمپى نوێى زانکۆى سلێمانى

یاریزانێكی یانەی وەرزشی زانكۆی سلێمانی لە یاری تایكواندۆ پلەی یەكەمی لەسەر ئاستی یانەكانی عیراق بەدەستهێنا.

چەند رۆژێكە پاڵەوانێتییەك بۆ یانەكانی عیراق بۆ یاری تایكواندۆ رێكخراوە و یارییەكانی پاڵەوانێتیەكەش بەردەوامی هەیە، كە یانەی وەرزشی زانكۆی سلێمانی یەكێكە لە بەشداربووانی پاڵەوانێتیەكە.

لە یەكەم رۆژی پاڵەوانێتیی یانەكانی عیراق، یانەی زانكۆی سلێمانی توانی لەسەر دەستی یاریزان (میر مەردان) لە كێشی 34 كیلۆ پلەی یەكەم بەدەستبهێنێت.

127 یانەی عیراق لە پاڵەوانێتیەكە بەشدارن و تائێستا یانەی وەرزشی زانكۆی سلێمانی لە پلەی شەشەمدایە، ئەگەری هاتنە پێشەوەی لە ریزبەندییەكەدا بەرزە، ئەوەش بەهۆی ئەنجامە باشەكانی لە یارییەكانی پاڵەوانێتیەكە.

PUKMEDIA