ڕفعەت عەبدوڵا: زانکۆی سلێمانی شانازییەکی تری کردە خەڵاتی سلێمانی

نوسینگەی رۆژنامەوانی جێگری سەرۆکی یەکێتی

ڕفعەت عەبدوڵا

جێگری سەرۆکی یەکێتی بەبۆنەی دووبارە بەدەستهێنانەوەی پلەی یەکەم لەسەر ئاستی زانکۆکانی عیراق پیرۆزبایی  لە زانکۆی سلێمانی و سەرۆکایەتی زانکۆو تێکڕای مامۆستایان و فەرمانبەران و خوێندکاران دەکات.

دەقی پەیامەکە...

پیرۆزباییەکی گەرم ئاڕاستەی زانکۆی سلێمانی (زانکۆی دایک)و سەرۆکایەتی زانکۆو تێکڕای مامۆستایان و فەرمانبەران و خوێندکاران دەکەم، بەبۆنەی دووبارە بەدەستهێنانەوەی پلەی یەکەم لەسەر ئاستی سەرجەم زانکۆکانی عیراق.

ئومێدەوارم بەدەستهێنانی ئەم دەسکەوتە زانستیە زیاتر هانتان بدات بۆ پێشکەوتنی زیاتر لەناوەندە ئەکادیمیەکانداو ببێتە کردنەوەی دەروازەیەکی گەورەترو پەیوەندی زیاتر لەگەڵ زانکۆکانی جیهانداو وەک هەمیشە نمونەی باڵای زانستخوازی و فەرهەنگی بن. 

زانکۆی سلێمانی، لەکۆششی ئەکادیمی و زانستی و داهێناندا، مێژوویەکی پرشنگدارو پڕ بەرهەمی هەیەو چەندین نەوەی زانستخوازو داهێنەری پێشکەشی وڵاتەکەمان کردوە، ئەمڕۆش بەیەکەمبونی بۆ ساڵی دووەم، شانازییەکی تری لەمێژوی زانستی و ڕوناکبیری و ئەکادیمی و فەرهەنگیدا کردە خەڵاتی سلێمانی و ڕەوتی خوێندن و زانست.

دووبارە پیرۆزە لەسلێمانی و زانکۆی دایک، (ی.ن.ک) هەمیشە پشتیوان و هاوکارتان دەبێت و ئێوەش هەر پێشەنگ و پێشڕەوی بواری داهێنان و زانست و پێشکەوتن بن.

ڕفعەت عەبدوڵا
جێگری سەرۆکی یەکێتیی نیشتمانیی کوردستان

PUKMEDIA