مەکتەبی سیاسی: بەدەستهێنانەوەی پلەی یەکەم بەرزی ئاستی زانکۆی سلێمانییە

PUKMEDIA

لۆگۆى یەکێتیى نیشتمانیى کوردستان

مەکتەبی سیاسی یەکێتی پیرۆزبایی لە زانکۆی سلێمانی دەکات و رایدەگەیەنێت:  بەدەستهێنانەوەی پلەی  یەکەم لەسەر ئاستی زانکۆکانی عیراق نیشانەی   بەرزیی ئاستی زانكۆی سلێمانی  دەردەخات كە وێڕای گشت ئەو قەیرانە جۆراوجۆرانە، ئەم پلەیە بەدەست بهێنێت.

دەقی پەیامەکە..

بەڕێزان / سەرۆكی زانكۆی سلێمانی 
مامۆستایان و خوێندكاران و كارمەندانی زانكۆی سلێمانی 


گەرمترین پیرۆزباییتان لێدەکەین بەبۆنەی بەدەستهێنانەوەی پلەی یەكەم لەسەر ئاستی زانكۆكانی عێراق بۆ جاری دووەم بەپێی ریزبەندیی دامەزراوەی تایمزی  بەریتانی.
ئەم سەرکەوتنە نیشانەی ئاستی بەرزی زانكۆی سلێمانی دەردەخات، كە وێڕای کێشە و قەیرانە جۆراوجۆرەکان ئەم پلەیە بەدەست بهێنێتەوە.

زانكۆی سلێمانی هەر لەسەرەتای دامەزراندنییەوە  لە ساڵی 1968وە، كە بە كۆششی سەرۆك مام جەلال بنیادنرا، وەك ناوەندێكی زانستی و فەرهەنگی هەمیشە پێشەنگ بووە و لەم كاروانەدا جگە لە بوارە زانستییەكەی، چەندین كادری سیاسیشی پێگەیاندوە كە لەجوڵانەوەی كوردایەتیدا رۆڵی بەرچاویان هەبووە.

ئەمڕۆش لە كاتێكدا زانكۆی سلێمانی ئەم پلەیەی بەدەستهێناوە ، پشتیوانی تەواوی یەكێتیی  نیشتمانیی كوردستان دووپات دەكەینەوە بۆ بەرەوپێشبردن و سەركەوتنی زیاتری ئاستی زانكۆكەمان.

مەکتەبی سیاسیی 
یەکێتیی نیشتمانیی کوردستان
 
PUKMEDIA