بازاڕی دراوە ئەلیکترۆنییەکان داڕما

reuters

بیتکۆین

سەرۆکی ئەمریکا بە سەپاندنی سزای نوێ بەسەر چیندا داڕمانی گەورەی توشی بازاڕی دراوە ئەلیکترۆنییەکانی وەک بیتکۆین و هاوشێوەکانی کرد.

دۆناڵد ترەمپ، سەرۆکی ئەمریکا سزای نوێی ئابوری بەسەر چیندا سەپاند و ئەمەش کاریگەری راستەوخۆی خستە سەر بازاڕی دراوە ئەلیکترۆنییەکان بەشێوەیەک نرخی یەک بیتکۆین لە 121 هەزار و 692 دۆلارەوە دابەزی بۆ 109 هەزار و 690 دۆلاری ئەمریکی ئەمەش زیانی گەورەی بەو کەسانە گەیاندووە کە لەوبوارەدا کار دەکەن و بەشێکی زۆری سەرمایەیەکەیان دراوی ئەلیکترۆنییە.

میدیا ئابورییە جیهانییەکان باسلەوەدەکەن: سزاکانی ترەمپ تەنها کاریگەری خراپی بۆ سەر بیتکۆین نەبووە، بەڵکو تەواوی دراوە ئەلیکترۆنییەکانی دیکە بەهاکانیان بەشێوەیەکی بەرچاو لەدەستداوە و بەشێکیان بوونەتە هۆی مایەپوچ بوونی ئەو کەسانەی مامەڵەیان پێوەدەکەن.

ئەمەش لەدوای ئەوەدێت شەوی 10 لەسەر 11ی 10ی 2025 دۆناڵد ترەمپ بڕیاری سەپاندنی سزای گومرگی بەڕێژەی 100٪ بەسەر چیندا سەپاند.  

PUKMEDIA