لێدوانەکانی ترەمپ نرخی نەوتی بەرزکردەوە

ئاژانسەکان

بەرزبونەوەی نرخی نەوت

ئەمڕۆ پێنجشەممە 16-10-2025، لەدەستپێکی ئاڵوگۆڕە بازرگانیەکان لە ئاسیادا نرخی نەوت بەرزبوەوە، ئەمەش دوای لێدوانێکی سەرۆکی ئەمریکا دێت، کە رایگەیاند: هیندستان رەزامەندە لەسەر کەمکردنەوەی کڕینی نەوت لە روسیا.

لێدوانەکانی دۆناڵد ترەمپ سەرۆکی ئەمریکا لەبارەی نەوتەوە، کاریگەرییەکی باشی لەبەرزبونەوەی نرخەکەی کردوە لە بازاڕەکانی جیهاندا، دوای ئەوەی بەهۆی گرژییە بازرگانییەکانی نیوان ئەمریکا و چین نرخەکەی دابەزیبوو.

هەر بەرمیلێک نەوتی خاوی برێنت بەڕێژەی 1.1% بەرزبووەوە و گەیشتە 62 دۆلار و 57 سەنت، هاوکات نرخی بەرمیلێک نەوتی خاوی تەکساس بە ڕێژەی 1.1% بەرزبووەوە و گەیشتە 58 دۆلار و 89 سەنت.

ترەمپ رۆژی چوارشەممە بە رۆژنامەنووسانی راگەیاند کە، دڵنیایی لە سەرۆکوەزیرانی هیندستان وەرگرتووە کە وڵاتەکەی بەم زووانە کڕینی نەوتی روسیا کەمدەکاتەوە.

ترەمپ لە مانگی ئابی ڕابردوودا بەهۆی کڕینی نەوتی ڕووسیا، 50% باجی بەسەر هیندستاندا سەپاند و ڕۆژی چوارشەممە راشیگەیاند کە هانی چینیش دەدات بۆ ئەوەی هەمان کار بکات.

سەرەڕای بەرزبوونەوەی نرخی نەوت لەمڕۆدا، نرخی نەوت لەهەفتەی رابردوو زیانێکی زۆری بەرکەوت، لە کاتێکدا بازرگانان نیگەران بوون لە تێکچوونی پەیوەندییە بازرگانییەکانی ئەمریکا و چین.

PUKMEDIA