قوباد تاڵەبانی: هەولێرییە رەسەنەکان پەراوێز خراون

نوسینگەی راگەیاندنی قوباد تاڵەبانی

قوباد تاڵەبانی

قوباد تاڵەبانی لەکۆبوونەوەیدا لەگەڵ هەڤاڵانی بازنەکانی 9ی سەیداوا و 11ی تەیراوای هەولێر رایگەیاند: تا دێت چینایەتی لە هەولێر تۆختر دەبێتەوە و هەولێرییە رەسەنەکان پەراوێز خراون.

دەقی راگەیەندراوی سەرپەرشتیاری بازنەی هەولێری لیستی 222ی یەکێتیی نیشتمانیی کوردستان:

راستە شەکرەشار پایتەختی هەموومانە و شانازی بە مێژووەکەی و خاکەکەی و خەڵکە میهرەبانەکەیەوە دەکەین، بەڵام هاوکات نابێت دانیشتووانە رەسەنەکەی خۆی، هەولێرییە رەسەنەکانی سەیداوە و تەیراوە و تەعجیل و سێتاقان و منارە و باداوە و.. پەراوێز بخرێن و لە خێروبێری شارەکە بێبەش بکرێن.

لەگەڵ هەڤاڵانی بازنەکانی ٩ی سەیداوە و ١١ی تەیراوەی هەولێر ئاماژەم بەو جیاوازییە چینایەتییە گەورەیە کرد کە تا دێت لە هەولێر تۆختر دەبێتەوە. ئەوەی جێی داخە بەشێکی گەورەی هەولێرییە رەسەنەکان لە چینە پەراوێزخراو و کەم داهاتەکەن. روونیشم کردەوە یەکێتی هەوڵی داوە و هەوڵ دەدات لەڕێگەی چارەسەرکردنی کێشەی بودجە و مووچەوە لە کورتماوەدا بازاڕی هەولێر و شارەکانی کوردستان سەقامگیربێت و لە درێژماوەشدا لەڕێی گەشەپێدانی هاوسەنگ و بەردەوامەوە جیاوازیی چینایەتی لە هەولێر و کوردستان کەم بکاتەوە.

PUKMEDIA