نوسینگەى خانمی یەکەمی عیراق داوایەک ئاڕاستەى کەس و کاری ئەنفالکراوان دەکات

PUKMEDIA

تاوانی ئەنفال

نوسینگەی تایبەتی خانمی یەکەمی عیراق، روونکردنەوەیەک بڵاودەکاتەوە و رایدەگەیەنێت: بڕیارە لەم هەفتەیەدا دەست بکرێت بە وەرگرتنی نمونەی سامپڵی خوێن لە کەس و کاری ئەنفالکراوان، بە مەبەستی ناردنی بۆ تاقیگەکان و ناسینەوەی ڕووفاتی ئەنفال کراوانی گۆڕە بە کۆمەڵەکان.

لە روونکردنەوەکەودا هاتووە: لە درێژەی هەوڵە بەردەوامەکانی خانمی یەکەمی عیراق تایبەت بە ئەنفالکراوان و کەس و کاریان و پاش پێشکەش کردنی سکاڵاکانی تایبەت بە تۆمەتبار عەجاج احمد حەردان بە دادگا، بڕیارە لەم هەفتەیەدا دەست بکرێت بە وەرگرتنی نمونەی سامپڵی خوێن لە کەس و کاری ئەنفال کراوان لەشاری چەمچەماڵی خۆشەویست بە مەبەستی ناردنی بۆ تاقیگەکان و ناسینەوەی رووفاتی ئەنفال کراوانی گۆڕە بە کۆمەڵەکان.

هەر لە روونکردنەوەکەى نوسینگەی تایبەتی خانمی یەکەمی عیراقدا، ئەوەشخراوەتەڕوو: بۆ ئەو مەبەستە داواکارین لە کەسوکاری ئازیزی ئەنفالکراوان لەکات و شوێنی دیاریکراوی دواتردا ئامادەبن و هاوکاری تیمەکان بکەن.

PUKMEDIA