یەکەم نەشتەرگەری شێرپەنجەی مەمک لە نەخۆشخانەی جەمالی حاجی عەلی ئەنجامدرا

ڕاگەیاندن و پەیوەندییەگشتیەکانی بەڕێوەبەرایەتی گ.ت.سلێمانی

یەکەم نەشتەرگەری شێرپەنجەی مەمک لەنەخۆشخانەی جەمالی حاجی عەلی ئەنجامدرا

لەسەر راسپاردەی د.سەباح نەسرەدین بەرێوەبەری گشتی تەندروستی سلێمانی، یەکەم نەشتەرگەری شێرپەنجەی مەمک لەنەخۆشخانەی  جەمالی حاجی عەلی ئەنجامدرا.

د.یاد نه‌قشبه‌ندی به‌ڕ‌ێوه‌به‌ری نه‌خۆشخانه‌ی هیوا كه‌ تایبه‌ته‌ به‌توشبوانی شێرپه‌نجه‌ له‌ لێدوانێكیدا بۆ PUKMEDIA رایگه‌یاند: چه‌ند رۆژێكه‌ به‌شی نه‌شته‌رگه‌ری له‌ نه‌خۆشخانه‌ی جه‌مالی حاجی عه‌لی كه‌سه‌ر به‌ نه‌خۆشخانه‌ی هیوایه‌ بۆ توشبوانی شێرپه‌نجه‌ كارا كراوه‌ و له‌م ماوه‌یه‌شدا چه‌ند نه‌شته‌رگه‌رییه‌كی تێدا ئه‌نجامدراوه‌، كه‌ بۆ یه‌كه‌مجاره‌ له‌سه‌ر ئاستی عیراق به‌شێكی نه‌شته‌رگه‌ری تایبه‌ت به‌ توشبوانی شێرپه‌نجه‌ بكرێته‌وه‌.

ئەمەش لەکاتێکدایە، بڕیارە بۆ لەمەودوا سەرجەم ئەونەشتەرگەریانەی کە لەکەرتی حکومی بۆ توشبووانی شێرپەنجەی مەمک بێ بەرامبەر سەرجەمیان لەنەخۆشخانەی جەمالی حاجی عەلی تایبەت بە توشبوانی شێرپەنجە ئەنجام بدرێت.

به‌شی نه‌شته‌رگه‌ری نه‌خۆشخانه‌ی جه‌مالی حاجی عه‌لی كه‌سه‌ر به‌ نه‌خۆشخانه‌ی هیوایه‌ لە سلێمانی بۆ توشبوانی شێرپه‌نجه‌، له‌رێگه‌ی خێرخواز (جه‌مالی حاجی عه‌لی) به‌ هاوكاری سندوقی شێرپه‌نجه‌ كراوه‌ته‌وه‌، لەماوەی چەند رۆژی رابردوودا دەستبەکاربوەو چەندین نەشتەرگەری گەورەی بۆ توشبوانی شێرپەنجە تێدا کراوەو بەردەوامیش دەبێت لە خزمەت و نەشتەرگەری.

PUKMEDIA