نرخی نەوت لەخوار 65 دۆلارەوە مامەڵەی پێوە دەکرێت

ئاژانسەکان

بەرهەمهێنانی نەوت

ئەمڕۆ 4ی11ی2025، نرخی نەوت لە بازاڕەکانی جیهان دابەزینی بەخۆیەوە بینی و یەک بەرمیل نەوتی برێنت بە کەمتر لە 65 دۆلار مامەڵەی پێوەدەکرێت.

 لەگەڵ کردنەوەی بازاڕەکان،  نرخی نەوتی برێنت15 سەنت دابەزی و بەرمیلێک بە 64 دۆلار و 74 سەنت مامەڵەی پێوەکرا، هاوکات نرخی نەوتی تاکساسیش 24 سەنت دابەزی و بە 60 دۆلار و 91 سەنت مامەڵەی پێوەکرا.

 هۆکاری دابەزینی نرخی نەوت بۆ ئەوە دەگەڕێتەوە کە هاوپەیمانیی ئۆپێک پڵەس لە چارەکی یەکەمی ساڵی داهاتوو هیچ بڕە نەوتێکی زیاتر ناخەنەڕوو، ئەمەش وا لێکدرایەوە  لەلایەن بازرگانانی نەوتەوە کە قەبارەی نەوت لە بازاڕدا زۆرە و زیادەی نەوت هەیە بەتایبەتی لە ساڵی داهاتوودا.

PUKMEDIA