کۆمسیۆن: رێژەی بەشداری دەنگدان لە هەموو عیراق 82% بووە

واع

ئەنجومەنی کۆمسیارانی کۆمسیۆن

کۆمسیۆنی باڵای سەربەخۆی هەڵبژاردنەکانی عیراق سەرکەوتنی دەنگدانی تایبەتی راگەیاند و ئاشکراشی کرد: رێژەی بەشداری لە تەواوی عیراق 82% بووە و بەرزترین رێژەی بەشداریش لە پارێزگای سلێمانی بووە.

 ئەنجومەنی کۆمسیارانی کۆمسیۆنی باڵای سەربەخۆی هەڵبژاردنەکانی عیراق، لە کۆنگرەیەکی رۆژنامەوانیدا رایگەیاند: زیاتر لە ملیۆنێک و 100 هەزار دەنگدەر بەشداریان لە دەنگدانی تایبەت کردووە.

لە بارەی رێژەی بەشداری لە دەنگدانی تایبەت، کۆمسیۆن ئاشکرای کرد: رێژەی بەشداری 82.48% بووە.

پەیوەست بە رێژەی بەشداریش سلێمانی لەسەر ئاستی عیراق زۆرترین رێژەی بەشداریکردنی هەبووە کە 98.16% یە پاشان هەولێر بەرێژەی 97.77% لە پلەی دووەمدا دێت، پارێزگای نەجەفیش کەمترین رێژەی بەشداری هەبووە کە 72% بووە.

PUKMEDIA