ڕفعەت عەبدوڵڵا: سلێمانی متمانەی بە یەکێتی هەیە و ئەرکمان سەنگینتر دەکات

نوسینگەى رۆژنامەوانى ڕفعەت عەبدوڵڵا

ڕفعەت عەبدوڵڵا جێگری سەرۆکی یەکێتیی نیشتمانیی کوردستان

ڕفعەت عەبدوڵڵا جێگری سەرۆکی یەکێتیی نیشتمانیی کوردستان، لە پەیامێکیدا بۆ یادى 241 ساڵەى بونیادنانى سلێمانى رایگەیاند: (سلێمانی و یەکێتی)یش، دوانەیەکی لێکدانەبەڕاون و نازی بەسەر هەمووان و بەتایبەتی (ی.ن.ک) هەیە و ئەرکمانە لەسەر خزمەت و بوژانەوە و گەشانەوەی سورتربین و خزمەتکاری شارو خەڵکە میللەتپەروەرەکەی بین، بۆیە هەمیشە سلێمانی متمانەی بەیەکێتی هەیە و ئەرکمان سەنگینتر دەکات.

 دەقى پەیامەکە:

بەهەستێکی پڕ شانازی و شکۆوە ئەمڕۆ یادی 241 ساڵەی بونیادنانی سلێمانی، پایتەختی میرنیشنی بابان و پایتەختی شۆڕشگێڕی و ڕۆشنبیری و داهێنانی کوردستان، دەکەینەوە کەبووەتە ناسنامە و شوناسی ئیفتیخار و داهێنانی وڵاتەکەمان.

جوانترین پیرۆزبایی لەتەواوی خەڵکی سەربەرزی شارە حەیاتەکە دەکەین و وەفاداریمان بۆ سەرجەم کەسایەتیە نیشتمانپەروەر و تێکۆشەر و شاعیر و خانمە دەستڕەنگین و سەنگینەکانی هەیە کە لە دروستبون و بەرەوپێشچونی سلێمانیدا ڕۆڵێکی شایانیان گێڕاوە.

سلێمانی لەمێژوی وڵاتەکەماندا بەتەنها شارێک نیە، بەڵکو بەخزمەت و داهێنانی درەوشاوەی، بە قوربانی و خەبات و ڕۆحیەتی شۆڕشگێڕی، بووەتە ناسنامەیەکی زیندووی نەتەوەکەمان.

(سلێمانی و یەکێتی)یش، دوانەیەکی لێکدانەبەڕاون و نازی بەسەر هەمووان و بەتایبەتی (ی.ن.ک) هەیە و ئەرکمانە لەسەر خزمەت و بوژانەوە و گەشانەوەی سورتربین و خزمەتکاری شارو خەڵکە میللەتپەروەرەکەی بین، بۆیە هەمیشە سلێمانی متمانەی بەیەکێتی هەیە و ئەرکمان سەنگینتر دەکات.

پیرۆزە ساڵیادی سلێمانی هەڵمەت و قوربانی

پیرۆزە لەتەواوی خەڵکی شار

ڕفعەت عەبدوڵا
جێگری سەرۆکی یەکێتیی نیشتمانیی کوردستان

PUKMEDIA