پارێزگاری کەرکوك پیرۆزبایی لە هەڵبژاردەی عیراق دەکات

راگەیاندنی پارێزگای کەرکوک

ڕێبوار تەها پارێزگاری کەرکوك

ڕێبوار تەها پارێزگاری کەرکوك پیرۆزبایی لە هەڵبژاردەی عیراق دەکات بەبۆنەی گەیشتنی بە پاشکۆی جیهانیی یەکلاکەرەوە بۆ جامی جیهانیی 2026 و دووپاتیشی دەکاتەوە کە متمانەیان هەیە هەڵبژاردەکە لە کاروانەکەی بەردەوام دەبێت و سەرکەوتن مسۆگەر دەکات.

پارێزگاری کەرکوک لە پەیامەکەیدا رایگەیاند: پیرۆزبایی لە هەڵبژاردەی نیشتمانیمان و هاندەرانی وەرزشی و گەلە ئازیزەکەمان و خەڵکمان لە کەرکوك دەکەین، بە بۆنەی بردنەوەی هەڵبژاردەکەمان لە هەڵبژاردەی ئیمارات و گەیشتنی بە پاشکۆی جیهانیی یەکلاکەرەوە بۆ جامی جیهانیی 2026.

دەشڵێت: دووپاتی دەکەینەوە کە متمانەمان هەیە هەڵبژاردەی عیراق بەردەوام دەبێت لە کاروانەکەی بۆ مسۆگەرکردنی سەرکەوتن و چاندنی خۆشی لە دڵی هەموو عیراقییەکاندا.

PUKMEDIA