ئەنجامی لێکۆڵینەوەکانی هێرشەکەی سەر کۆرمۆر ئاشکرا کرا

PUKMEDIA

هێرشەکەی سەر کۆرمۆر

محەمەد شیاع سوودانی فەرماندەی گشتیی هێزە چەکدارەکان، ئەنجامی کاری لیژنەی تایبەت بەو هێرشەی بڵاوکردەوە، کە کرایە سه‌ر كێڵگه‌ى كۆرمۆر.

بەپێی راپۆرتی لیژنەکە ئه‌و هێرشه‌ بە دوو فڕۆكه‌ی بێفڕۆكه‌وان ئه‌نجامدراوه‌، یه‌كێكیان به‌ر كێڵگه‌كه‌ كه‌وتووه‌ و ئه‌وی تریان له‌ ده‌ره‌وه‌ كه‌وتووه‌ته‌ خواره‌وه‌، هاوکات هه‌ردوو فڕۆكه‌كه‌ له‌ لای باشووری كێڵگه‌كه‌ و له‌ ناوچه‌كانی رۆژهه‌ڵاتی قه‌زای دووزخوورماتووه‌وه‌ هه‌ڵفڕیون.

هەر لەڕاپۆرتەکەدا ئاماژەبەوەشکراوە، گه‌یشتن به‌ ناو و ناسنامه‌ی ئه‌نجامده‌رانی ئه‌م هێرشه‌، كه‌ له‌ تێكده‌رانی سه‌رپێچیكارانی یاسان و فه‌رمانی ده‌ستگیركردنی دادوه‌ری بۆ هه‌ندێكیان ده‌رچووه‌ و له‌لایه‌ن ده‌زگا ئه‌منییه‌كانه‌وه‌ به‌دواداچوونیان بۆ ده‌كرێت، دوای دیاریكردنی ناسنامه‌ی ئه‌نجامده‌ران، ده‌زگا ئه‌منییه‌كان ده‌ستیانكردووه‌ به‌ كۆكردنه‌وه‌ی به‌ڵگه‌ی ته‌كنیكی بۆ تاوانبارکردنیان و راده‌ستكردنیان به‌ دادگا.

هاوکات لەبەشێکی تری راپۆرتەکەدا بۆ پاراستنی کێڵگەکە چەند پێشنیارێکیان کردووە و راشیانگەیاندووە: ئه‌م لیژنه‌یه‌ به‌رده‌وامه‌ تاكو گه‌یشتن به‌ هه‌موو ئه‌وانه‌ی تێوه‌گلاون له‌ رووداوه‌کەدا.


PUKMEDIA