نۆ کەس بەربژێرن بۆ پۆستی سەرۆک وەزیرانی عیراق

PUKMEDIA

چوارچێوەی هەماهەنگی

عیراق بەرەو پێکهێنانی حکومەتی نوێ هەنگاو دەنێن و لەو چوارچێوەیەشدا لیکۆڵینەوە لە کەیسی نۆ کاندید دەکرێت بۆ پۆستی سەرۆک وەزیرانی داهاتوو.

هێزە سیاسییە براوەکانی عیراق هەوڵدەدەن بۆ پێکهێنانی حکومەتی نوێ، کە سازانی نیشتمانی لەسەر بێت و لەو چوارچێوەیەشدا چوارچێوەی هەماهەنگی وەک گەورەترین بەرەی پەرلەمانی بەلەبەرچاوگرتنی مافی لایەنەکانی تر بزووتنەوەیەکی بەرفراوان بەڕێوە دەبات بۆ رێکخستنەوەی هاوپەیمانییە ناوخۆییەکان.

لەو بارەیەشەوە ئەحمەد مەعموری وتەبێژی رەسمی هاوپەیمانی ئەساسی عیراق رایگەیاند: لیژنەیەکی چوارچێوەی هەماهەنگی کارلەسەر کەیسی نۆ کاندید دەکات بۆ پۆستی سەرۆک وەزیرانی عیراق و زیاتر لەسەر بەرنامەی کاریان بۆ مەلەفەکانی ئاسایش و ئابوری و پەیوەندییە نێودەوڵەتییەکان ورددەبێتەوە.

وتیشی: هەڵبژاردنی سەرۆک وەزیران بەندە بە کاندیدێک کە رێککەوتنی چوارچێوەی هەماهەنگی لەسەر بێت زیاتر لەوەی حساب بۆ زۆرینەی دەنگ بکرێت، لەکاتێکدا بۆ وەزارەتەکان دەنگ پێوەرە.

ئاماژەی بەوەشکرد، حکومەتی داهاتوو دەبێت بە رێککەوتن بێت لەبەرژەوەندی هەموو گەلی عیراق، بە تیشک خستنەسەر بەجێگەیاندنی دەستوور.

PUKMEDIA