لە لاهای چیرۆكی جینۆسایدكردنی کوردان گێڕدرایەوە

PUKMEDIA

دیمەنی سیمینارەکە

لە  چوارچێوەی  كارەكانی كۆنگرەی 24ی وڵاتانی ئەندامی دادگای تاوانی نێودەوڵەتی لە شاری لاهای هۆڵەندا، تۆریی  KONCICC  بە هاوكاری رێكخراوەكانی دژ بە جینۆساید و چەك سمینارێكی رێكخست،  كە ژمارەیەك بەرچاو  لە میوانانی بیانی لە باڵوێزی وڵاتان و بەرپرسی رێكخراوە جیهانییەكان و رۆژنامەنووسان و چالاكوانانی جینۆسایدی بیانی ئامادەیبوون و بە یەكێك لە سمینارە سەركەوتووەكانی كۆڕبەندەكەش داریكرا لە رووی ئامادەكارییەوە، هاوكات فیلمێک نمایشکرا و پیشانگایەکی كتێبیش کرایەوە.

تەوەری یەكەمی سیمینارەکە سێ قوربانی جینۆساید دارا محەمەد عەلی رزگاربووی زیندانەكانی دووبز و نگرە سەلمان و سۆنیا رزگاربووی جینۆسایدی شەنگال و لوقمان عەبدولقادر رزگاربووی كیمیابارانی شاری هەڵەبجە قسەیان كرد و چیرۆكی تراژیدی خۆیان گێڕایەوە، هاوکات لە پانێڵی دووەمدا  سالار مەحمود  و  خاتوو عەدالەت عومەر و  هابیل حاجی ئەحمەد  سەبارەت بە دۆسیەی ئەنفال و گۆڕی بە كۆمەڵی كورد لە عیراق و تێكشكاندنی داعش لە لایەن جەنگاوەرانی كورد  و ئاواكردنی مۆنۆمێنتی شەهیدانی پێشمەرگە لە مۆنۆمێنتی ئەنفال لە چەمچەماڵ قسەیان كرد.

PUKMEDIA