کەتیبەکانی سەیدولشوهەدا تۆمەتبارکردنی بەڕووداوەکانی خەبات رەتدەکاتەوە

ئەرشیف

رووداوەکانی خەبات

ئەنجومەنی راگەیاندنی کەتیبەکانی سەیدولشوهەدا وەڵامی ئەنجومەنی ئاسایشی هەولێر دەداتەوە و رایدەگەیەنێت: هەندێک پلاتفۆرم گرتەیەکی ڤیدیۆییان بڵاوکردووەتەوە و کەتیبەکانی سەید شوهەدا تۆمەتبار دەکەن بەوەی لەپشت رووداوە دڵتەزێنەکانی ئەم دواییەی شاری خەباتەوەن لە هەولێرن کە ژمارەیەک قوربانی لێکەوتەوە.

لە بەیاننامەیەکدا ئەنجومەنی راگەیاندنی کەتیبەکانی سەیدولشوهەدا رایگەیاند: هەندێک پلاتفۆرم گرتەیەکی ڤیدیۆییان بڵاوکردووەتەوە و کەتیبەکانی سەیدولشوهەدا تۆمەتبار دەکەن بەوەی لەپشت رووداوە دڵتەزێنەکانی ئەم دواییەی شاری خەباتەوەن لە هەولێر، کە ژمارەیەک قوربانی لێکەوتەوە.

راشیگەیاندووە: لە کاتێکدا ئێمە هاوسۆزی خۆمان بۆ کەسوکاری قوربانییەکان لە هەردوولا دەردەبڕین- چونکە خوێنی هەموو عیراقییەک لای ئێمە پیرۆزە و ئەو تۆمەتە بێ بنەمایانە ئیدانە دەکەین، هاوکات بەنیازین سکاڵای یاسایی لەسەر ئەو کەسانە تۆماربکەین کە ئەو تۆمەتانەیان خستووەتەپاڵمان و داوا لە هاوبەشەکانیشمان دەکەین کە هەوڵەکانیان چڕبکەنەوە بۆ خزمەتکردنی هاووڵاتیان و مافە سەرەکییەکانیان بۆ دەستەبەر بکەن.

PUKMEDIA