شاناز ئیبراهیم ئەحمەد بۆ وەفدی باکور: هیوادارین پڕۆسەی ئاشتی بەردەوام بێت

نوسینگەى راگەیاندنى خاتوو شاناز ئیبراهیم ئەحمەد

وێنەیەکى خاتوو شاناز ئیبراهیم ئەحمەد لەگەڵ وەفدەکە

خاتوو شاناز ئیبراهیم ئەحمەد لەمۆزەخانەی زاموا لەشاری سلێمانی پێشوازی لە ژمارەیەک لەهاوسەرۆکانی شارەوانییەکانی باکور کرد.

لەو دیدارەدا وێڕای بەخێرهێنانیان بۆ شاری شاران، گفتوگۆ لەسەر هەنگاوەکانی پڕۆسەی ئاشتی و چارەسەریی پرسی کورد کرا، لەمبارەیەوە خاتوو شاناز هیوای خواست ئەم ئاشتیەی ئێستا بەرقەراربوە درێژە بکێشێت.

دواتر وەفدەکە چەند بەشێکی مۆزەخانەی زاموایان بەسەرکردەوە و لە گەنجینەی دەوڵەمەندی ئەدەبی و سیاسی مامۆستا ئیبراهیم ئەحمەدیان رووانی.

وەفدەکەی باکور پێکهاتبوون لە ئایتن کایا هاوسەرۆکی شارەوانی بیرسوس، سیفیم بیسیسی هاوسەرۆکی شارەوانی سیلفان، صەفیە ئاکداغ هاوسەرۆکی شارەوانی دیاربەکر و غلبین شاهین هاوسەرۆکی شارەوانی نصیبین.

PUKMEDIA