لە مۆسکۆ مێزگردێک لە بارەی دۆزی کوردەوە بەڕێوەچوو

راگەیاندنى یەکێتی کوردناسان

وێنەیەکى کاتى کۆنفرانسەکە

لە چوارچوەی حەوتەمین کۆنفرانسی نێودەوڵەتی "جیهانی زۆرینە و رۆژئاوا لە هەلومەرجی گۆڕانکارییە جیۆئابووری و شارستانییەکاندا"، بە بەشداری ژمارەیەک پسپۆڕ و کوردناس، یەکێتی کوردناسان بە هەماهەنگی رێکخەرانی کۆنفرانسەکە مێزگردێکی بە ناونیشانی "پرسی کورد لە بەردەم گۆڕانکارییە شارستانییەکاندا" سازکرد.

لە میانی بەڕێوەچوونی حەوتەمین کۆنفرانسی نێودەوڵەتی "جیهانی زۆرینە و رۆژئاوا لە هەلومەرجی گۆڕانکارییە جیۆئابووری و شارستانییەکاندا"، 14 تۆێژینەوە لە لایەن توێژەرانی باڵای ناوەندە زانستییەکانی رووسیا و کوردستانەوە خرانەڕوو.

د.سوارە شاکەلی سکرتێری یەکێتیی کوردناسان رایگەیاند: لەکاتێکدا جیهان و رۆژهەڵاتی ناوەڕاست و توانای زلهێزەکان لە گۆڕانکاریدایە، هەر بۆیە پێویست دەکات، بەشێوەیەکی سەردەمیانە و زانسیانەش بۆ دۆزی کورد لە رۆژهەڵاتی ناوەڕاستدا بڕوانین، شیکاری بۆ بکەین.

یەکێتی کوردناسان، رێکخراوێکی کوردییە و لە مانگی ئابی ئەمساڵدا دامەزرا، ئامانجی کۆکردنەوەی کوردناسان و کارکردنە لە سەر پرسی کورد لە بواری ئەرشیفی، کلتووری، توێژینەوەی زانستی لە بارەی پرسی کوردەوە، وەک پردێکی زانستی لە نێوان رووسیا و کوردستاندا کاردەکات.

هاوکات رێکخراوێکی سەربەخۆیە، لە رووی زانستییەوە کار لەسەر پرسی کورد لە رۆژهەڵاتی ناوەڕاستدا و ئەو پرسانەی کە پەیوەستن بە دۆزی کوردەوە دەکات.

PUKMEDIA