شێخ جەعفەر: شەهید ئاكام هەمیشە لەروبەڕوبوونەوەی لەگەڵ دوژمندا سەركەوتوبوو

PUKMEDIA

شەهیدی فەرماندە ئاكام عومەر

شێخ جەعفەر شێخ مستەفا جێگری سەرۆكی هەرێمی كوردستان، بۆ سێهەمین ساڵیادی شەهیدبوونی فەرماندە ئاكام عومەر، فەرماندەی هێزی كۆماندۆی كوردستان، پەیامێكی بڵاوكردەوەو رایگەیاند: شەهیدی فەرماندە ئاكام عومەر، ئەركەكانی بەوپەڕی ئازایی و بوێرییەوە جێبەجێ دەكرد، هەمیشە لە مەیدانی روبەڕوبوونەوەكانی لەگەڵ دوژمنی خاك و نیشتیماندا بە شانازییەوە سەركەوتنی تۆمار دەكرد، بۆیە تا ئەبەد ئێمەش شانازی بە ناوە دیار و درەوشاوەكەی نێو هێزی پێشمەرگە كاكە ئاكامەوە دەكەین.

دەقی پەیامەكە:

پەیامی جێگری سەرۆك لە ساڵیادی شەهیدی فەرماندە ئاكام عومەردا

لە سێیەمین ساڵیادی شەهید بوونی فەرماندە ئاكام عومەر، فەرماندەی هێزی كۆماندۆی كوردستان سەری ڕێز و نەوازش بۆ ڕۆحی پاكی دادەنەوێنم و بۆ هەمیشە یاد و یادەوەرییەكانی لەپێناو ئاسایش و سەقامگیری بۆ خاكی كوردستان لە لامان بە پیرۆزی دەمێنێتەوە.

شەهیدی فەرماندە ئاكام عومەر دڵسۆز بوو بەرامبەر بە كارەكەی، ئەركەكانی بەوپەڕی ئازایی و بوێرییەوە جێبەجێ دەكرد، هەمیشە لە مەیدانی ڕوبەڕوبوونەوەكانی لەگەڵ دوژمنی خاك و نیشتیماندا بە شانازییەوە سەركەوتنی تۆمار دەكرد بۆ خۆیی و هاوڕێكانی، بۆیە تا ئەبەد ئێمەش شانازی بە ناوە دیار و درەوشاوەكەی نێو هێزی پێشمەرگە كاكە ئاكامەوە دەكەین.

درود و سڵاو لە گیانی پاكی شەهید ئاكام و هاوڕێیەكانیی و گشت شەهیدانی دەستی تیرۆر و شەهیدانی ڕێگای ڕزگاری كوردستان، شكۆمەندیی و سەربەرزیش بۆ خانەوادە و كەسوكاری كاكە ئاكام و سەرجەم كەسوكاری سەربەرزی شەهیدان.

شێخ جەعفەر شێخ مستەفا
جێگری سەرۆكی هەرێمی كوردستان

PUKMEDIA