قوباد تاڵەبانی سەردانی چەمچەماڵ دەکاتەوە

PUKMEDIA

قوباد تاڵەبانی جێگری سەرۆکوەزیرانی هەرێمی کوردستان

قوباد تاڵەبانی جێگری سەرۆکوەزیرانی هەرێمی کوردستان، بەمەبەستی لە نزیکەوە ئاگاداربوون لە زیانەکانی لافاوەکەی چەند رۆژی رابردوو و چۆنیەتیی بەهاناوەچوونی زیانلێکەوتووان، لەگەڵ كۆمیسیۆنی فریاگوزاریی چەمچەماڵ و بەڕێوەبەری یەكە ئیدارییەكانی شارۆچكەكە کۆبووەوە.

کۆبوونەوەکە لە چوارچێوەی هەوڵەکانی حکومەتی هەرێمە بۆ هەڵسەنگاندنی ئەو زیانە ماددییە زۆرانەی کە بەهۆی لافاوەکەوە بەر ماڵ و موڵکی هاووڵاتیانی چەمچەماڵ کەوتووە.

بڕیارە لە کۆبوونەوەکەدا، جێگری سەرۆکی حکومەت گوێ لە راپۆرتی لیژنەکە و یەکە ئیدارییەکان بگرێت سەبارەت بە قەبارەی زیانەکان و ئەو پێداویستییە بەپەلانەی کە زیانلێکەوتووان هەیانە.

ئەم کۆبوونەوەیە لەکاتێکدایە کە دوای دروستبوونی لافاو لە قەزاکە، "کۆمسیۆنی فریاگوزاری و بوژانەوەی چەمچەماڵ" پێکهێنرا بۆ رێکخستنی پرۆسەی کۆکردنەوە و دابەشکردنی هاوکارییەکان بەسەر لێقەوماواندا.

هاوکات، هەر لە سەردانەکەیدا، قوباد تاڵەبانی جێگری سەرۆکوەزیرانی هەرێمی کوردستان، بەشداری لە پرسەی شەهید ئاکۆ سابیر کرد، کە لە کاتی دابەشکردنی هاوکارییەکان لەلایەن چەکدارێکەوە تەقەی لێکرا و بە سەختی بریندار بوو،کە بەهۆی سەختی برینەکەیەوە دوێنێ شەهید بوو.

PUKMEDIA