هاوخەمی سەرۆک بافڵ بۆ کۆچی دوایی شیرین شێخ عەلائەدین نەقشبەندی

PUKMEDIA

بافڵ جەلال تاڵەبانی سەرۆکی یەکێتیی نیشتمانیی کوردستان

بافڵ جەلال تاڵەبانی سەرۆکی یەکێتیی نیشتمانیی کوردستان، بۆ کۆچی دوایی خاتوو شیرین شێخ عەلائەدین نەقشبەندی خوشکی کەسایەتی ئایینی خوالێخۆشبوو شێخ عوسمان سیراجەدین نەقشبەندی، پرسەنامەیەکی ئاڕاستەی شێخانی نەقشبەندی و کەسوکارەکەی کرد، کە ئەمە دەقەکەیەتی:

بەڕێزان لە شێخانی نەقشبەندی

بە داخ و خەمێکی زۆرەوە، هەواڵی کۆچی دوایی خاتوو (شیرین شێخ عەلائەدین نەقشبەندی) خوشکی کەسایەتی ئایینی و زانا و پیاوچاکی گەلەکەمان خوالێخۆشبوو شێخ عوسمان سیراجەدین نەقشبەندیمان پێگەیشت.

بۆ ئەم خەمە پرسە و سەرەخۆشی خۆمان ئاڕاستەی کەسوکار و بنەماڵە و شێخانی نەقشبەندی دەکەین کە رۆڵیان لە چاکەکاری و پاراستنی بەها باڵاکانی ئایینی پیرۆزی ئیسلام دیار و بەرچاوە و مایەی شانازیمانن.

خوای گەورە گیانی کۆچکردوو، بە بەهەشتی بەرین شادبکات، ئارامی و دڵنەوایی بە هەموو لایەک ببەخشێت.

بافڵ جەلال تاڵەبانی
سەرۆکی یەکێتیی نیشتمانیی کوردستان

PUKMEDIA