فۆتۆگرافەرانی هەرچوار پارچەی كوردستان لە رۆژی ئاڵادا

ڤینۆس تۆفیق

پێشانگەیەكی فۆتۆگرافیی تایبەت بە سروشت و كلتور و كەلەپوری كوردستان

پێشنیوەڕۆی ئەمڕۆ  17ی12ی2025  لە رۆژی ئاڵای كوردستاندا، لە گەلەری مۆزەخانەی نیشتمانیی ئەمنەسورەكە ، پێشانگەیەكی فۆتۆگرافیی تایبەت بە سروشت و كلتور و كەلەپوری كوردستان كرایەوە. 

لە پێشانگەكەدا 23 فۆتۆگرافەر لە هەرچوار پارچەی كوردستانەوە ، لە ٥٠ گرتەی هونەریی ناوازەدا ، سروشت و كلتور و جلوبەرگ و كلتوری شارەكانی كوردستانیان نمایشكردووە. 

لە لێدوانێكی تایبەتدا فۆتۆگرافەر ناسیح عەلی خەیات بە PUKMEDIAی راگەیاند: پێشانگەكە جگە لەوەی رێزگرتنی فۆتۆگرافەرانە لە رۆژی ئاڵای كوردستان، ئەزمونێكی هاوبەشیشە بۆ ئاڵوگۆڕی دیدگا و بینینە جیاوازەكانی فۆتۆگرافەران لە پارچەكانی كوردستان و هاندانێكە بۆ ئەوەی هەمووان شار بە شار بگەڕێین بەدوای تۆماركردنی جوانییەكانی كوردستان و پێشاندانی لە جیهاندا.

PUKMEDIA