رفعەت عەبدوڵڵا: لەسەر پاراستنی فەرهەنگی برایەتی و پێكەوەژیان بەردەوام دەبین

نوسینگەى رۆژنامەوانى رەفعەت عەبدوڵڵا

رەفعەت عەبدوڵڵا جێگری سەرۆکی یەکێتیی نیشتمانیی کوردستان

رفعەت عەبدوڵڵا جێگری سەرۆکی یەکێتیی نیشتمانیی کوردستان، بە بۆنەى "جەژنی رۆژووی ئێزی" پەیامێکى پیرۆزبایى ئاڕاستەى ئێزیدییەکان کرد و رایگەیاند: خوشک و برا ئێزدییەکان دڵنیا دەکەینەوە، کە كوردستان وڵاتی پێكەوەژیانی نەتەوە و ئایینە جیاجیاکانە و لەسەر پاراستنی فەرهەنگی برایەتی و پێكەوەژیان بەردەوام دەبین و پارێزەری مافی سەرجەم پێکهاتەکان دەبین.

دەقى پەیامەکە:

بەگەرمی و لەدڵەوە پیرۆزبایی لەبەڕێزان میر و سەرجەم خوشک و برا ئێزدییەکانمان دەکەم، لە کوردستان و هەر شوێنێکی جیهاندا بن، هیوادارم (جەژنی رۆژووی ئێزی) شادی و ئارامی بۆ خوشك و برا ئێزدییەكانمان بهێنێت و کۆتایی ئازار و مەینەتییەکانیان بێت.

خوشک و برا ئێزدییەکان دڵنیا دەکەینەوە کە كوردستان وڵاتی پێكەوەژیانی نەتەوە و ئایینە جیاجیاکانە و لەسەر پاراستنی فەرهەنگی برایەتی و پێكەوەژیان بەردەوام دەبین و پارێزەری مافی سەرجەم پێکهاتەکان دەبین.

ڕفعەت عەبدوڵا
جێگری سەرۆکی یەکێتیی نیشتمانیی کوردستان

PUKMEDIA